呢幾日洗版嘅除咗係家長wtsapp group之外,當然唔少得五月天啦! 一年一度嘅聚會,對於五迷嚟講真係好似返教會聚會咁,對於有啲唔太認識佢哋嘅人...就好似岩岩見17號嗰場56段嗰pair情侶咁,女仔全程企起身跳曬舞,而佢嘅另一半,就大部分時間呆咗坐喺度攬住女仔條腰,從佢嘅面口嚟睇,大概係佢明明信佛但陪女朋友返教會咁啦! 想知返教會要準備啲咩,可以睇呢度: http://hk.ulifestyle.com.hk/topic/detail.html?id=ABFGD1owBwhZEgNt&p=3 無無聊聊對比下教會分別先! 1)開show 一樣咁準時,遲到唔等人 2)燈 教會揸呢棧燈 五月天教會一樣有燈,今年仲多咗色添。 但有時又要收埋支燈轉用電話燈。 3)歌 兩間教會一樣有歌詞,全場一樣跟住唱。 堅教會啲歌有時會唔太岩音,五月天教會有時會有台語。 3)舉手 兩間教會信徒都會無啦啦舉手,堅教會相手合實,五月天教會會更恐怖咁一齊舉一隻手。 4)企起身 堅教會會請大家起立,五月天教會信徒會自動自覺,有大部分係俾座位價錢但成晚企位嫁。 網上圖片 5)跟住講嘢 正如一面無明,教會朋友會嗌「阿門」 網上圖片 五月天信徒就會無啦啦「一閃一閃亮晶晶...」或者不停「啦啦啦啦....」 兩者信徒一樣咁投入 6)喊 總之無啦啦會有人喊啦 網上圖片 睇得呢篇嘢一定係五迷啦,各位信徒仲有幾日一齊high埋佢!好彩普通教會唔會無啦啦玩人浪、jump同嗌OT咋,如果唔係紅館五月真係宗教聚會嚟嫁! 戴頭盔,比喻純粹笑下,輕鬆下啦。