可能你會話「去北海道玩好貴」,但呢個世界只要你識玩,一樣可以玩得平。 去北海道當然要浸溫泉,登別就出晒名嫁喇,當然價錢閒閒地都過$1,000晚。 先介紹呢間登別溫泉第一瀧本館 (Noboribetsu Onsen Dai-ichi Takimotokan) 有接近400間房,喺正最近地獄谷入口嘅酒店,有巴士直達門口。 (網上圖片) 入正題!雖然環境有啲舊,不過佢個溫泉除咗小朋友區有滑梯等之外,男女溫泉區靜係更衣同浴室區已經大到一望無際,而室內溫泉池有2層,唔同溫度唔同種類。要室外落住雪浸一樣有,戶外風呂溫泉區仲有酒精飲品供應,喺滿天風雪情況下,面向雪山,望住溫泉水流入池內,堅係正! 點擊圖片放大 +3 (網上圖片) (網上圖片) 沖涼有馬油洗髮水及沐浴乳,更衣室有血壓計、飲品、按摩服務等。點擊圖片放大 呢間酒店,日式客房2人包2餐每晚大約$2,000-3,000蚊左右(視乎季節) ~~~~~~~~~~~~~~~~~~~~~~~~~~~~~~~~~~~~~ 房間對於一丁友又或者窮遊嘅你,可能真係唔係咁重要,但如果又想享用呢間酒店咁正嘅溫泉呢,就可以BOOK佢舊館瀧本酒店 (Takimoto Inn) ,每晚2人包1餐只係大約$800-$1,000蚊左右(單人最平$486)。 當然房間水準真係唔高,而且幾細下。 酒店有自助餐餐廳,可以對住雪景慢慢食。 房間窗外繼續望到雪景。 酒店本身都設有一個小型溫泉池,重點係距離第一瀧本館只係1分鐘路程左右,你只係付出一半都唔駛嘅價錢就可以喺5星級溫泉24小時任浸,仲想點? 不過提提你,有次試過浸完出面落突然大風雪,踢住拖又帶唔夠衫,o個一分鐘路程真係一世都記得。 想睇更多[住好site]就襟個LIKE支持下我呢個偽blogger啦! Facebook: 離開是為了回來 (https://www.facebook.com/leavingisforcomingback/) 房間價錢參考: 第一瀧本館 http://www.agoda.com/zh-hk/noboribetsu-onsen-dai-ichi-takimotokan/hotel/noboribetsu-jp.html 瀧本酒店 http://www.agoda.com/zh-hk/takimoto-inn/hotel/noboribetsu-jp.html