冬天去到北海道，滑雪是常識吧！但假如你係以下情況： 1.自己一條友，唔想去大型滑雪場 2.對滑雪冇咩認識，又唔夠時間join上堂 3.扶老攜幼，只係想簡單感受滑雪樂趣 4.時間有限或銀兩有限 今次要介紹就係位於札幌市中島公園嘅免費滑雪場，真係大大隻蛤蚧隨雪地跳嫁！ 據說呢個服務係由地方政府提供，喺公園冬季期間變身成為滑雪場，整咗條大約1公里嘅滑雪道。 除咗滑雪道外，最瘋狂嘅係所有滑雪用具都係唔駛錢，滑雪板、滑雪專用鞋、支手杖、防水手套都係全免，上次去嘅時間，用具仲要95%新。 手續係入呢間房，已經有4萬咁嘅口嘅工作人員叫你坐低填表 點擊圖片放大 +2 再簡單出示護照就可以，按金都唔駛俾。之後職員就會按你填表嘅資料俾用具你。 點擊圖片放大 試好試岩著埋，就會俾你將鞋及隨身物品放入架上。咁就可以出發喇！ 沿滑雪道都係平地，確實俾初學者而設。只要跟住指示牌數字，好快就會行完1K。 北海道嘅雪特別滑特別軟，點跌都唔會痛，到終點仲有個小斜坡俾大家感受”sir落去”嘅快感！ 能夠喺市中心咁厚雪嘅情況，唔駛錢體驗下平地滑雪感覺，確實幾正嫁！ 根據官方網頁嘅資料： 中島公園 體驗日期及時間：2017年1月上旬至3月上旬 10:00～16:00 點去： 地鐵南北線「中島公園」站落車 地鐵南北線「幌平橋」站落車（呢個站其實近啲） 市電「行啟通」站下車，步行3分鐘 網頁：http://www.welcome.city.sapporo.jp/find/nature-and-parks/nakajima_park/?lang=tw 覺得岩駛就share俾朋友啦。再唔係㩒個LIKE支持下我呢個偽blogger都得！ Facebook: 離開是為了回來 (https://www.facebook.com/leavingisforcomingback/) 點擊圖片放大 +2
