去旅行除咗行程同景點之外，如果有間舒服嘅酒店慢慢hea，其實仲爽。 揀酒店o個陣，除咗價錢，泳池都係好緊要嫁！嚟緊幾篇就會介紹下有infinity pool嘅酒店。 維基話infinity pool嘅解釋： 無邊際池，是經過特殊設計，在視覺上似乎沒有邊界的反射池或游泳池。無邊際池經過設計，有水流過其一個或多個邊界，在視覺上會有池子沒有邊界一直往外延伸的錯覺。使池子看起和附近更大的水體例如海洋融成一體，或是其邊界就是天際線融合。這類池子常出現在富異國情調的渡假勝地、獨特的莊園、豪華的場所，或是廣告效果中。 其實我覺得...簡單啲講，咪就係叫「堅離地泳池」lol！ 今次想介紹係呢間喺芭堤雅嘅Cape Dara Resort 地點： 如果你平時住開soi 1-13又或者walking street附近嘅話，咁你應該未見過呢個酒店喇！是關呢間酒店位於soi 1再遠少少嘅地方。簡單啲講，唔近市中心。但既然嚟得渡假，呢個地點反而覺得舒服同與世隔絕。 交通： 酒店提供免費穿梭tuk tuk來往大街，之後轉乘10THB tuk tuk就可以去到芭堤雅市中心任何地方 距離車程參考: Central Festival 車程約 10mins Walking street 車程約 15mins 另外，酒店亦有car park免費泊車 設施： 一落車首先見到就係大大個門口，行入去就係係大堂，樓底極高。冇冷氣不過勁大海風迎面吹住你。 一嚟就到重點喇，行入啲已經係泳池，望住啲sofa已經想訓了。 點擊圖片放大 +4 除咗近大堂呢，另一個泳池就係對正沙灘同個海。 點擊圖片放大 再行落去就已經係酒店嘅私人海灘喇。 入住嗰陣仲會送你杯welcoming drink，2個泳池都有bar俾你換嘢飲。 飲嘢、睇日落、游水、曬太陽、曬月光、睇星星，都通通喺度攪掂曬。 點擊圖片放大 +2 佢仲要喺戶外都播埋勁relax嘅音樂，咁就hea足半日喇。 另外仲有以下呢啲設施 泳池樓上有得做spa 點擊圖片放大 +3 女士們做緊Spa，男士們就當然可以去做gym啦。喺酒店嚟講，呢間先大喇。 點擊圖片放大 +2 餐飲 有酒吧、西餐廳及西餅店，酒店早餐勁多選擇 點擊圖片放大 +6 房間 酒店外型好似一架帆船，亦因為呢個設計，大部分嘅房間或者露台都望到個海，有一半仲可以望晒成個芭堤雅市中心全景。 從網上(AGODA)嚟睇房間都有好幾種。 呢種有個spa望晒成個海，不過提提你，一定要係雙人房點擊圖片放大 +3 呢種房喺頂樓，有兩個露台，靜係露台已經大過我屋企喇。 點擊圖片放大 +2 價錢 唔同房嘅類型當然有唔同價錢，由900幾蚊至400幾蚊不等 治安 之前當地太多偷野嘅報導，實在唔提唔得，酒店泳池係開放式，小心財物是常識吧！上房間嘅電梯就一定要房卡先上到樓，房間亦有夾萬，不過講到尾，都係自己記得小心小心小心財物啦！ 環境 正正因為成間酒店，無論房間、泳池、spa、餐廳都係望住個海或者泳池，除咗海風同海浪聲外，完全少少車聲都冇。 點擊圖片放大 住過幾次，三隻字講曬，真係好舒服！ 襟個LIKE支持下我呢個偽blogger啦！ Facebook: 離開是為了回來 (https://www.facebook.com/leavingisforcomingback/)
