利申非廣告!!! 由唔知幾多年開始，每年9月至10月都會入去哈囉喂行個圈，老老實實除咗啲H14、扮訓棺材、手術床等等，叫做有啲新意同驚嚇感之外，基本上咪又係入去啲鬼屋行個圈。但每年例必去嘅原因有概係... 1夜媽媽玩機動遊戲 點擊圖片放大 +5 平時嘅夜晚，就當然係喺公司努力OT媽媽聲，而夜晚喺公園玩機動遊戲，特別係跳樓機、哈哈笑嗰個過山車（唔記得叫咩名）同埋由細玩到大嘅滑浪飛船，係特別好feel嫁，唔知點解好多人仲會講「夜晚玩好似快啲」。 2成班人 想當年Ocamp可以喺條街扮鬼扮馬衝黎衝去，依家連著得小小hea都敢。一年一度攞正牌嗌晒一堆人著曬指定dress code入去癲，係好玩既，係可以好放既！ 點擊圖片放大 +4 如果驚排隊悶，仲有野玩嫁，喺文具鋪買定一排畫面筆，包你唔悶仲可以幫你個fd變成安安佳佳呀。 3影相 入到去同唔同嘅鬼影相is a must 點擊圖片放大 近幾年仲搵到個必影相位，唔恐怖之餘仲要好爆笑，講緊就係佢哋啲廣告明星喇！ 佢啲廣告每年都有爆嘢睇，有長期代表嘅羅蘭姐之外，每年都有出人意表嘅代表，今年有秦煌同埋邵音音，以前就有喺夏蕙BB、實Q盧海鵬、羅家英、Wyman、司徒法正等等。 除咗傳媒日之外，近幾年某幾日仲會有羅蘭姐佢哋出現，有試過喺表演入面突然現身，亦會有機會坐定定同你影相。 喺廣告或者個表演入面，你會見到佢哋扮恐怖。落到台同你影相，明明佢哋嘅衣著係一隻鬼，但佢哋會做返一個長輩，好親切咁同你打招呼、握手、傾幾句計，影完相仲會捉大家玩得開心啲。 基於場面太warm嘅關係，有時真係忍唔住想講句：「羅蘭姐，不如你清咗嘴角啲茄汁先啦！」 想感受下呢個場面？以往佢會早少少喺facebook公佈，話明唔係廣告，我又點知今年有冇或者幾時有佢哋出現喎。祝大家成功見到唔恐怖嘅鬼啦！ 一樣咁玩得嘅你...襟個LIKE支持下我呢個偽blogger啦！ Facebook: 離開是為了回來 (https://www.facebook.com/leavingisforcomingback/)
