嚟到曼谷,正常嘅人類都會選擇坐MRT同BTS,原因唔駛講啦。 而正常嘅人類都會喺夜晚出動。飲嘢、食宵夜、揼骨又或者行夜市掃一大堆貨等等...... 總會好想最快返到酒店沖涼訓覺,但每次一出到大街,就會覺得佢哋會開天殺價,而大量嘅的士就總會唔識聽咩叫by meter。 呢啲情況通常喺講一大輪價後都會欣然接受,好彩嘅直到酒店,唔好彩嘅佢話睇錯地址中途加你錢。 基於以上情況,喺香港冇坐過uber嘅我,都要試試佢喇。 結果: 1)夜晚嗌車好多地方5分鐘內有車 2)全部靚車勁冷氣司機好nice 3)set完上車地點後90%停準喺你面前 4)全程同司機0溝通,無論價錢、落車地點都係喺apps顯示,司機唔識英文都唔緊要 5)好多司機連路線都係用gps導航,唔會兜路 6)坐到5-7個人,載人多過tuktuk 7)坐車超過10次,次次都平過的士,有時仲可以唔駛錢坐霸王車 講多冇謂,講點用就最實際 先裝個Uber app,再完成註冊程序,就算之前喺香港裝左都好,建議可開多個新AC,用現金付款,再入返你泰國電話,方法聯絡司機同拎到首次登記優惠。 個app有個叫優惠編碼(Promo Code),第一次坐第一程入code,已經可以慳100THB。 點擊圖片放大 呢個討論區(http://www.discuss.com.hk/viewthread.php?tid=25748736)每日update Promo Code,你慳到100THB嘅同時,呢個code嘅持有人一樣可以拎到100THB。你一樣可以將code放上去,或比你同行朋友做首次登記,以上方法已經拎你&同行朋友同時慳咗三次100THB,如此類推! 攪完以上程序,可以call車喇! 首先你會見到附近有幾多架車。再用定位或打返你上車地點,輸入目的地 (曼谷好多酒店名好似,要對一對個地址岩唔岩呀!) 之後可以喺左下角睇睇車費估算 曼谷的士起錶係35 THB,之後頭2至10公里每公里5.5 THB,11至20公里每公里6.5 THB 而uber起錶係25 THB,之後全程每公里都係4.5 THB,當然等候同行車時間都係錢嚟嫁啦!大約每分鐘1 THB。 另外,車類方面, UberX(普通車) 或 UberBlack(有部分為7人車,價格較貴) 如果確認,就click預約uber,地圖就係顯示接送嘅車去到邊同埋仲有幾耐到,司機有時會call你,你亦可聯絡司機查詢。 上左車喇! 喺機場出發,公價係咁: 日間如果塞車,當然係坐airport express line方便,如果係夜晚或凌晨機,call車真係冇得輸,岩岩坐hk airline 02:35落機,直接喺入境大堂對出上車,03:54已經到咗terminal 21附近酒店喇。扣埋齊頭300 THB攪掂。 如果唔係由機場出發,司機到步後會襟佢部機,彈出價錢等資料,如果之前選擇信用卡過數就可以就咁落車就ok,冇嘅就俾cash。基於100THB Promo Code嘅關係,有好多程都free咗。好多香港人鍾意去嘅摩天輪夜市(Asiatique the Riverfront),買完嘢成手都係膠袋,仲要坐船轉BTS攪得嚟都成粒鐘,岩岩坐完uber返到Nana站,95.75THB,者係唔駛錢再喺架車拾咗15分鐘。 點擊圖片放大 唔開心share真係對唔住自己,如果你覺得岩駛,share完就襟個LIKE支持下我呢個偽blogger啦!稍後繼續仲會有唔同泰國野介紹嫁! Facebook: 離開是為了回來 (https://www.facebook.com/leavingisforcomingback/) 你嘅完全變「泰」指數: https://blog.ulifestyle.com.hk/blogger/hins/?p=2727933 【住好site】500蚊嘆泰國華欣豪華別墅。7步成swim!: https://blog.ulifestyle.com.hk/blogger/hins/?p=2590760 玩到冇嘢好玩...250蚊去泰國自駕遊。: https://blog.ulifestyle.com.hk/blogger/hins/?p=2517234