可能大家去芭堤雅已經去到悶晒，華欣的確都係一個好選擇。 今次介紹下一間嘆到爆又好好HEA嘅渡假別墅... （華欣有幾好玩就呢度唔介紹喇）俾幾條link大家自己睇啦。 [出走香港]Cicada週末夜市@華欣 by 壹世捌 [出走香港]Santorini Park@華欣 by 壹世捌 【泰國華欣嘆世界】日出 + Santorini Park + Swiss Sheep Farm by ✈ YING 【泰國華欣嘆世界】華欣夜市 市集遊 by ✈ YING Banyan The Resort Hua Hin 地點 老老實實距離華欣市有啲遠，來往市區車程約須要12分鐘，但既然嚟得渡假，呢個地點反而覺得舒服同與世隔絕 距離車程參考: Vana Nava Hua Hin Water Jungle水上樂園 車程約 8mins Hua Hin Night Market 或Hua Hin Railway Station車程約 12mins Cicada Market 車程約 7mins 交通 酒店提供免費穿梭巴士來往市中心及沙灘，須於Front Desk預約 嚟得華欣玩大部分人都會租車周圍玩，住得呢個resort絕對建設包車或自駕遊 渡假村正門設有停車場，有時你一泊車已經有司機揸定架高爾夫球車喺車尾等你，勁窩心！ 點擊圖片放大 設施 房間內設施要有嘅都有(當然有埋WIFI)，最正係有微波爐，喺夜市買完宵夜或者炒PaiTai叮一叮，正呀！ Spa健身中心按摩高爾夫球場都有 成個渡假村泳池都好似河道咁，由自己別墅門口行出去，堅係行7步就跳到落水，每間房外仲有埋沖身俾你沖乾淨再曬埋太陽先入房... 訓醒->落水->早餐->訓多陣->又落水->曬太陽(順便訓教)....咁就大半日喇！ 點擊圖片放大 游泳池水深約1米幾，冇救生員服務，如果有小朋友，渡假村亦設有KIDS POOL俾小朋友玩 環境 渡假村內大部分時間只有高爾夫球車行駛，嘈音基本上係0 點擊圖片放大 由於遠離市區，光害較少，真係滿天星星 別墅樓底勁高，仲有幾個古董擺設，空間感勁大 點擊圖片放大 +5 三餐 行出酒店最近間7-11都要行成20分鐘 好彩渡假村餐飲幾好，早餐自助餐款式好多好多，而且食物質素亦幾有水準，一日三餐喺度嘆都OK! 點擊圖片放大 價錢 睇完晒所有相，重點嚟喇，平均每間獨立別墅一房2人每晚$496，兩房4人$684，，除返每人每晚都係200幾蚊左右 (參考agoda價錢)，抵到爛啦！ 最後提提大家地址係呢個，事關唔少人會攪錯另一間個名好似嘅resort： 68/35 Mooban Hua Na, Tambol Nong Gae, Hua Hin, Prachuabkirikhan 77110 http://www.banyanthailand.com/resort/the-resort ps: 戴頭盔備註...人各有喜好，而且房間質素同價錢都好易轉變，歡迎留言俾下意見！
