本來標題係諗住「那些年喺啓德睇飛機，今日喺呢度玩跳樓機」 點知除咗陀飛輪、跳樓機等嘅機動遊戲，仲有大量考驗銀包能力同面子嘅攤位遊戲外，最吸引嘅反而係雜技馬戲團。 N年前曾經睇過喺大圍嘅莫斯科馬戲團，當然輪規模、場地、表演項目都未及得上，但喺呢個一個鐘頭多啲啲嘅show，你會搵返最簡單最直接嘅笑聲 講明雜技團，當然會有一大堆令你緊張...令你大嗌嘅表演。吊到好高...踩住個波行...掉野...人疊人…縮骨功…喺個好高嘅輪蒙眼跑...再嚟喺個波入面360度揸電單車。其實好多人都應該睇過，可惜每次佢哋扮失手嗰陣，大家都會忍唔住尖叫一下。 點擊圖片放大 +4 除咗以前雜技嘅老本行外，最過癮就係每次過場嘅小丑表演。由於場地唔大，全場都好近舞台，而且小丑同觀眾互動真係多到不得了。 小朋友唔駛問一定會成為拉上台嘅目標。 去到中段仲會嗌幾個成年人出去玩，靜係睇住一班唔識嘅男女手拖手已經好好笑，而接住落嚟更加玩咗15分鐘，唔劇透喇，只能夠俾幾張相大家睇。可以好肯定呢一部分大家真係笑得好大聲。 除咗好笑，仲有幾個小朋友好鍾意嘅場境 包括i like to move it move it嘅荒失失奇兵 一聽到LET IT GO啲小朋友就中毒嘅frozen…小白同食飽咗少少嘅ELSA 最新消息東華嘉年華唔駛錢入場費，而呢個馬戲團係賣$180蚊同$480(VIP)門票。 直到打完呢篇BLOG嘅今日(7/2)，仲見到有團購買2送1(平均120蚊一張)，確實抵到爛 http://www.groupon.hk/deals/hongkong/royalles-thrill-circus-admission/721274575 新年行大運開心下首選！ 表演時間： 星期二至四：8pm 星期五: 4pm / 6pm / 8pm 星期六、日及公眾假期： 2pm / 4pm / 6pm / 8pm
