每星期睇一次running man，每年呢個月份都會喺電視見到一大班人去水上樂園玩…… 每年都同一班痴線嘅朋友去一次水上樂園，正當玩到冇嘢好玩嘅時候，係時候… 狠狠地玩一次Running Man嘅旅行 先旨聲明，以下好多遊戲都係擺到明抄Running Man，但最基本要求，係你要有一班好似光洙同宋智孝咁好玩嘅朋友先得。 為咗令呢個旅行未出發先興奮，事前都有啲野攪下嫁。 出發前玩嘢1 話比Running Man當然唔少得件衫同個牌，淘返嚟30-40蚊件 至於改咩名，就交由其他朋友改你個名，姐係Ａ幫Ｂ改名，Ｂ改Ａ個名，你大概諗到呢個肯定係報仇嘅最好時候 出發前玩嘢2 雖然我哋已經出晒嚟做嘢好幾年，但一樣可以KEEP到爛玩性格，所以出發前7日每日喺whatsapp玩啲鬥快嘅任務玩 1, 鬥快打俾一個指定朋友同佢講 “sorry我打錯” 2, 諗一個無聊好笑嘅劇本俾大家投票,去旅行o個陣拍返出嚟 3, 自拍撞機, 鬥快依指定拍示自拍再post相, 例如1係望向上, 2係望下, 3係望左…可想而知, 架機會撞到痴線, 個wtsapp group會有幾亂 4, 吹雞埋周,同朋友去旅行成日爭沖涼? 一樣有方法解決: 5.烈火雄心,呢個真係好好笑, 題目睇下圖: 點擊圖片放大 +3 6, 執輸行頭慘過敗家, 相信有唔少攪手都會成日俾朋友拖數, 呢個任務可以話係解決問題嘅最佳方法 7, 笑笑小電影,好簡單, 拍一段59秒嘅片, 令大家大笑, 投票嬴咗可以喺成個旅程有一次「最終話事權」 嚟到出發嗰一日喇 玩嘢3 為咗令路程上唔好咁悶，喺出發前大家已經收到一個獨立msg嘅任務，例如係： A人, 你要請B君飲可樂 B人, 你要俾巾紙C君用 C人, 你要令D君講粗口 D人, 你要令E君踩你一腳 E人, 放一個萬字夾入F君左褲袋 F人, 拎到G君一條頭髮 G人, 是蛋跌左啲野喺地下,要令A君幫你執返上黎 要完成任務之餘,仲要唔好俾其他人知道完成任務, 成個旅程每日都有唔同任務, 大家會長期處於爾虞我詐,你驚我我驚你嘅狀態, 朋友嘅信任度跌到零 未出發都咁多嘢玩, 去到水上樂園真係反轉佢咁濟, 下篇再講!
