去旅行嘅時候總會有好多壞習慣…… 1.執行李 成日提自己要預早執行李，但到最後永遠都係出發前幾粒鐘先執好 2.唔想帶咁多野 每次都話今次去旅行帶少啲野，但到最後唔知點解一樣帶好多野出發 3.預早出門口 預早係一個遙不可及嘅目標，次次都係要趕頭趕命衝去機場或者閘口(尤其係501) 4.過關嘟嘟嘟 無論點小心都好，過X光嗰陣一定嘟嘟聲，最後發現褲袋仲有嘢未拎出黎 5.入境紙擺邊 有人會將最重要嘅嘢收喺最安全嘅地方，但永遠都用嗰一刻就會唔記得咗擺邊（例如要交返入境紙嘅時候） 6.坐飛機除鞋 唔知點解總有啲人唔覺得自己對腳好熜好熜好熜 7.酒店wifi 去到酒店check in第一句一定會問 “wifi password please” 5.酒店門卡 同朋友去旅行，經常都會講“張卡唔係你拎咗咩” 6.酒店毛巾 將酒店條毛巾擺喺廁所地下“印腳” 7.沖涼 有人去旅行唔駛錢交水費，沖涼會特別耐…(唔環保呀!!!) 8.牙刷牙膏洗頭沖涼液 好多人都會自備，用自己嗰啲，再打包酒店嗰堆返香港“擺” (當然喺香港拎嚟游水用就另計啦) 9.偷運糧食 入主題樂園有如去戲院睇戲，要諗辦法放晒啲嘢飲嘢食入百寶袋 10.偷嘢食 眼見好多人早餐喺酒店食buffet嗰陣，搵個袋袋走啲嘢食，有次仲有成團人拎走幾排方包去浮潛餵魚 11.機不離手 得閒睇下facebook覆email同whatsapp 12.做隻夜鬼 習慣香港夜生活，無論去到邊度，就算啲舖頭收晒，都要搵地方飲嘢，買宵夜同行激安 13.係又影唔係我影 返到香港睇返啲相，不停撳delete制 14.冇叉用 買完杯麵或者宵夜，返到房先發現冇叉用(有人會帶定擺喺喼)，唯有… 15.今次唔買手信 次次都咁講，但唔知點解行過都忍唔住會買 以上咁多項，對某啲人可能未必係壞習慣，又或者習慣成自然。去旅行當然係要令自己舒服同開心啲，但嘆還嘆，點都尊重下人哋同遵守返啲規矩呀！
