(JM tone) well~~~終於下定決心開返個blog去share下我既experience啦 其實小弟平時就無咩興趣，唯一就係鐘意去食好野，同住靚房。去親旅行筆直可能唔多，機票頂盡都係搭廉航或信用卡積分換。唯一肯洗錢既地方係住酒店同食好野！！ 好多人都認為求求奇奇訓得個幾粒鐘有個瓦遮頭就算，男人老狗要求D咩，可能自己讀書係讀酒店，所以對住都好有要求，而且仲有時會癲到係香港都會無啦啦唔返屋企去住幾晚酒店。不過咁講，百貨應百客，你D錢拎哂去買衫淘寶唱K，我D錢拎左去住同食，大家都係無非想係呢個壓力大到喘不過氣既社會到嘆一下。 俗語都話吊頸都要抖下氣，我相信其實好多人都想係繁重工作中break一break，我覺得放假去同三五知己食餐好既，或者去同自己鐘意既人（利申毒令可以搵FD子）去住返晚酒店嘆下，都係一個對自己少少既獎勵，或者係幫自己打打氣，差差電。 其實而家都好多旅遊酒店達人或者食家都會介紹酒店同寫食評。小弟自問文筆就無佢地咁叻相機無佢地咁勁啦，一切都係直抒胸臆，鐘意就鐘意，舒服就舒服，難食就難食，只係希望各巴絲打睇完之後去想BOOK的話會對間酒店同餐廳有個概念，唔洗去到中伏呀ma! ANY肥，咩都好，新手上路，望高人指點，多多指教。
