18.02.2015 行程簡介: 早機回La Paz > Mi Teleférico Red line Hotel: La Posada de la Abuela Obdulia (Linares 947 (Sagarnaga y Tarija), 9999 La Paz, Bolivia) (yes, 又係呢間!!) amaszonas 機仔細細, 但幾舒適! 早機的關係, 返到La Paz 都未有房! 唯有去食早餐先! 呢間cafe 個門口幾隱蔽, 門口細細, 但一共有3層, 地方乾淨整潔, 又有free wifi, 係度hea 一流! 鮮果乳酪配果汁, 好大碗好豐富! pancake 餐, 蛋碎左D 但都好味既! Cafe del Mundo 324 Calle Sagarnaga, La Paz, Bolivia http://www.cafe-delmundo.com 返酒店抖左一陣之後又出發啦, 撘的士去吊車紅色線既總站, 好近, 大約3-4分鐘就到! 紅色線總共得3個站, 車程比黃, 綠都要短, 好快就上到山頂啦~ 山頂有個FOOD COURT, 有4-5間食店, 都係食pizza 炸雞等熱氣野! Food court 外有個小小觀景台, 可以望到好開陽既la paz 全景! 仲望到遠遠既雪山添! 山頂除左food court , 就只有呢個遊戲機區, B$1 /局, 我地都玩左幾鋪呀! 玩完山頂吊車, 回酒店hea, 睇下running man , 上下tripadvisor 搵食! 因為實在唔想再食炸/燒雞/pizza 啦! 晚餐前誤打誤撞去左個叫Mirador Killi Killi 地方, 半山觀景台+公園, 又係可以居高臨下望到la paz 全景! 好彩唔使錢, 但要嘥車錢返落山@_@ 離鄉別井多時 (才幾天就叫多時?!) 日日唔係炸雞就PIZZA 意粉, 又悶又熱氣! 加上今日係大年初一, 從來未試過唔係香港同屋企人過年, 就分外掛住亞洲野食! 所以特別上網找了日本野慶祝一下新年!!! 薯餅, 餃子不少得! 拉面個面底其實麻麻地, 但味道唔差, 同埋太太太耐無D 有湯水既野到肚, 大感動呀!!!!!! Y_Y 年初一, 啤啤佢! local 玻利維亞啤酒 Huari, 好味! 十分十分满足! 呢間日本餐廳算係幾多人幫襯, 有tatami 房, 有便服實Q 巡邏添! (附警棍!) 仲有一大個書架, 有日文雜誌同漫畫, 任睇任坐任hea ! 地點有少少難找, 因為佢係楝大廈入面, 要上2樓既! Ken Chan Batallon Colorados No.98. Esq.Federico Suazo, La Paz, Bolivia http://www.tripadvisor.com/Restaurant_Review-g294072-d1597719-Reviews-Ken_Chan-La_Paz_La_Paz_Department.html 第9天, 年初一, 滿足地完~