16.02.2015 行程簡介: 晨咁早機> Uyuni Salt Flat day tour Hotel: Hostal Oro Blanco (Av. Ferroviaria No. 6 entre Sucre y Arce, 9999 Uyuni Bolivia) 由於要撘朝早6:00去Uyuni, 所以早一晚已預先CHECK OUT 左, 仲BOOK 左的士, 4點半來接我地 內陸機, 一般1個鐘前到機場check in 就可以, 但係.... 機場超多人囉!!! Amazonas 勁多人, 仲要有6點同6點半2班去Uyuni 既機D 人排埋一齊, 再加去其他地方的人, 排到我地勁心急呀! 終於, 差不多boarding 時, counter D 人就要幫呢2班機D 人(即係我地!) check in 先, 因為真係好趕好趕! 一個鐘後, 到達! yeah~ 機場出面有個牌寫住, 撘的士出城要每人B$10. 出到城, 只係早上7點半, 但周圍已好多人, 尤其我地酒店正對面的travel agent! 佢就係Uyuni Tours! 基本上參加的7成係日本人, 2成韓國人, 1成係其他國家人! 裡面職員仲識簡單日語對答, 所以深受日本旅容歡迎! 佢地出團的數量亦很驚人, 一貼張紙出來(一團7個名額) 好快就填滿晒名full 晒 我地都唔執輸, 嗱嗱聲報名, 報左1個早上10點半出發的1 day tour (B$230/p) (回程係晚上8點) , 再加一個零晨出2點半出發的starlight + sun rise tour (B$120/p)! 即係第一個tour 返來6個鐘後又出第二個tour ! 夠癲吧! 酒店房未ready, 唯有出去行一陣 Uyuni 火車站 Uyuni 好細, 但好多酒店! 據聞平時黎係唔使特別提早訂酒店, 但咁啱我地來幾日超多人 (可能咁啱當地假期+Oruro 嘉年華) 酒店老闆話, 好多人周圍問有無房但真係full 晒, 佢話好多人要瞓街喎! 10點半, 旅行社前面超超多人! 個個要留心聽住司機有無叫自己個名, 或者自己去搵自己係撘幾號車, 情況有少少混亂, 不過總會上到車既! 第一站係舊生锈火車+長長軌道, 有20分鐘時間周圍行下影相 (cut 頭cut 尾先有一張無其他攝石人既相) 點擊圖片放大 跟住係手信時間, 都有大約20分鐘, 仲要去埋洗手間(B$2/p) 因為入左鹽湖就無廁所架啦~ 呢D 屋好似都係鹽造既.. 黎個近鏡 係度買左個用鹽造的小盒子, 但回港後變左咁! 太潮濕, 溶解中!!!! (後來我要放入一個裝住米既盒仔防潮 Y_Y) 離開手信區, 正式進入鹽湖地帶! 入湖區條路少少顛簸, 要 dun 1個鐘! 同團2位來自台灣的朋友! 入湖區時我地坐車頂, 超級興奮!!! 真係黎到啦~~~ 天空之鏡呀!!!!!!!!!!!!!!!!!!!!!!!!!!!!!!!!!!!! 雖然雲量同雲的形狀無睇相咁靚, 但已經好靚好震撼! 靚得好癲好痴線! HAHAHAHA.. 我地之前仲好擔心睇唔到天空之鏡, (又驚入唔到境又驚無水無倒影) 依家睇到啦~ 真係撘10+個鐘飛機來都值得!點擊圖片放大 乾地都別有一番美態! 同團的日本妹姊妹, 識英文, 所以溝通到, 好好玩! 專登帶件恐龍衫去影相!! 充滿鹽粒的褲! 點擊圖片放大 司機兼攝影師Mario (限量英語) Mario 幫/教我地影好得意既相! 點擊圖片放大 +5 開始日落~ 由朝影到日落都唔攰唔厭! 因為實在太靚啦~~~~~ 回程時要全黑渣車, 我都驚驚地, 勁攰都唔敢瞓! 返到旅行社已8點幾, 嗱嗱聲買個外埋pizza (好味) 同 burger (難食到極點! )就回酒店休息了~ 第7 天, 完美的完~