12.03.2015 行程簡介: Overnight bus to Puno (海拔3800米+) > Lake Titicaca 蘆葦島 > bus to Copacabana / La Paz (海拔4000米+) Day 3 繼續... 由碼頭行返出去, 沿途都有好多餐廳架! 炸魚 (後) 和炸雞(前) 都出乎意料的好味 (可能無期望啦~) 雖然係炸但一D 都唔乾, 條魚好嫰添! 但下面墊底的薯仔就好乾, D 飯又怪怪地, 食唔慣呢D 米..... 食飽又行返去車站啦~ 收費洗手間: 付5亳子佢會俾2格廁紙你! 上車前請到左邊的counter 俾稅 (S/1) 再坐車.... Puno --> La Paz ... (緊張) 阿大叔登記完證件就可以上車啦~ 車票係有劃位的! 上左車會派入境form (唔記得影相添) 記得要帶筆! 準時2點半開車! 又一次漫長的車程~ 沿途風景都唔錯~ 2個鐘後, 到左秘魯和玻利維亞邊境, 全車人要落車辦出入境手續, 導遊會提議大家落車後先唱少少玻利維亞紙, 以備不之需 (之後真係有用的!) 唱好錢後, 就去一間屋仔辦秘魯出境手續 , 搞掂後就行條斜路上玻利維亞 前面就係玻利維亞啦! 好緊張呀!!! Bye Peru! 由於Cuzco 的玻利維亞領使話我地拎BNO 唔使簽証. 呢一刻我地真係好驚過唔到關! 不過好彩, 邊境職員問都無問, 就吸左30日俾我地啦~ 呢一刻既我, 開心過中六合彩!!!!!! 秘魯同玻利維亞雖然一條斜路之隔, 但都有時差, 所以一上車, 就要較返快一個鐘, 下午6點再開車! 好快到左Copacabana, 原來大部份人都停呢度, 所以我地同另外幾個人就要落車, 轉另一架去La Paz 的巴士繼續出發! 坐左好耐之後, 突然又要全體落車, 因為要過去Lake Titicaca 的對岸! 人同車都分別要撘船過去, 要俾B$2 ! 撘船過左對岸之後, 等左好耐好耐架巴士都未過到來, 又凍又大風又肚餓!!! 巴士站頭有唯一一檔熱狗, 個樣唔多吸引但點都要買黎食下! (勁快賣晒!) 又撘左好耐好耐, 終於到左La Paz!!!!! 落車時已10點幾!!!! 攰到呢... 出左車站, 就係呢個亭仔度叫的士, show 個地址俾佢睇就得! 無價講, 仲要貴少少 (忘記了幾錢), 其實站頭都有好多的士問你去邊架.... 但天黑晒又剛到步, 穩陣D 好! 第三天, 攰爆, 完~ 懶醒 Mode : 好彩冇留 Puno. 睇來咩都冇. 酒店 : La Posada De La Abuela (位置正... 就係咁)
