20.02.2015 行程簡介: 馬丘比丘團第一天~ 黎到第十一日, 差不多係呢個南美之旅既尾聲, 不過亦係重點開始 :: 馬丘比丘! 準時9點係旅行社門口集合, 同上次Moroy half day tour 一樣, 都係由旅行社職員帶我地去後面街等點名, 等上車! 唔記得坐幾耐旅遊巴, 終於來到第一個點: Pisac Pisac是要另外買入場券既, 連埋另外3個景點, 每張入場券70S (可連續用2日) 導遊稍作講解後, 就可以自己活動, 但都唔可以行太遠, 因為地方太大, 一來一回要用好多時間 點擊圖片放大 +8 中午食飯既地方, 入場前每人收費25S, 自助餐形式, 薯仔, 雜菜, 豆,肉,唔少得粟米, 仲有飯, 湯, 但野飲! 全場無冷氣, 熱到爆炸! 局你買野飲! 但我地無買, 只係食完飯後, 行出去士多度食雪條! 飯後去另一景點: Ollantaytambo , 由於之後要係呢度撘火車去熱水鎮, 所以要拎晒D 行李無得留係旅遊巴! 於是我就要好似傻婆咁又腳架又背包一袋二袋咁! 仲要一口氣行上後面D 樓梯!!!! 因為要趕火車的關係, 呢個景點我地都唔敢留得耐! miss 左班火車就大鑊! 由景點行去火車站大約8分鐘 呢個就係入口啦, 入口前左右都有賣小食的檔口和食店, 入呢個閘時都要對車票 Peru rail 係藍色 我地坐既Inca Rail 係米白+綠色, 其實都唔差既, 有天窗, 坐位都夠大, 舒服! 有小食和冷熱飲品 火車一路沿住條河行, 條河大多數時間都好急好似激流咁! 不過我唔係坐窗口位, 而我兩都要分開坐, 所以無影相了~ 熱水鎮其實乜野都有, 賣紀念品的, 吃的, 餐廳, 士多, 按摩的... 不過據聞好多餐廳都又貴又唔好味! 我地求其選了一間唔太貴的PIZZA 外賣返酒店, 仲去士多買左水果! 酒店亦係大陸2星咁款的, 不過有熱水有床舖就好了 今日行左好多, 明天又要早早起, 趕住要係未多人潮時上到山! 要早D 瞓了~ 第11日, 超累, 完~
