19.02.2015 行程簡介: 早機回Cuzco > 報馬丘比丘團 > 日韓美食日! Hotel: Hostal Corihuasi (Calle Suecia 561, CUSC 01 Cusco, Peru ) 朝早10點已由La Paz 飛返Cuzco, 去到酒店都即刻有房! 呢間酒店網上評價不錯, 距離武器廣場大約5分鐘路程 (不過上斜要7分鐘~ !!!) 酒店依山而建, 所以行去每間房都要上落幾多樓梯, 不過有職員幫手搬行李箱! THX 位置較高, 晚上條街比較靜, 獨行或女仔團要小心 房間好大, 簡潔舒服 窗外靚景! 可以望到好遠! Hostal Corihuasi (Calle Suecia 561, CUSC 01 Cusco, Peru ) http://www.corihuasi.com/About.htm 酒店安頓好, 就要出去報明天出發的馬丘比丘團了! 2月 Machu Picchu 唔算旺季, 因為係雨季, 好多次太大雨會影響上山條路! 不過亦因為不是旺季, 所以出發前一日book 都仲有位, 但當然早D book, 可以揀的火車班次會多D 啦~ 我地去返之前報Moroy half day tour 同一間旅行社 團費每人USD 245. 包括: - 由Cuzco 去Pisac 的旅遊巴 - 參觀Pisac - 參觀Urubamba (lunch 地點) - 參觀 Ollantaytambo - 來回 Ollantaytambo至熱水鎮(Aguas Calientes)火車 (by Inca rail, 2 hrs / trip) - 一晚熱水鎮住宿 (3星旅館, 不包餐) - 來回熱水鎮至馬丘比丘巴士 (30mins) - 馬丘比丘門票 - 由Ollantaytambo去Cuzco 旅遊巴 - day 1 Pisac 至 Ollantaytambo 西班牙/英語導遊 - day 2 馬丘比丘 西班牙/英語導遊 不包項目: - 所有早午晚餐 - Urubamba 的自助午餐 (25s) - Pisac 及Ollantaytambo 門票 (70s) 我地下午4點前報名, 旅行社職員話個團早上9點出發, 回程就只有下午4點火車由熱水鎮開 即係回到 Ollantaytambo 都6pm, 再撘埋旅遊巴返到cuzco 預計都要8pm 了! 報名時仲要留意, 去熱水鎮火車有2間公司, 分別係Inca rail 同Peru rail (藍色) 我地就係報左名先知! 有DD 被騙感覺! >_< 另外就係, 所有門票/火車/巴士/酒店voucher 都有print 旅客姓名, 上火車/入馬丘比丘時亦要對passport 所以報名時一定要好小心, 睇清楚D 職員有無寫錯名呀! 繼尋晚日本菜後, 亞洲菜情懷一發不可收拾! 於是又上Tripadvisor 睇下有乜好野食! 午餐我地選擇左佢: 慕情烏冬! 店仔細細, 光猛簡潔, 全店只有7款烏冬! menu 就係牆上! 價錢由19S-25S 不等, 係呢度來講都唔算平架啦~ 不過好好味! Bojosan Udon Calle San Agustin 275, Cusco 084, Peru 晚餐就係韓國既代表: Sa Rang Che 老闆是韓國人, 無論環境氣氛食物都好韓國! 黎食野既人都好多係韓國人! 叫左一個牛肋骨湯, 同一雜錦撈飯, 再加埋6碟好好味既前菜, 簡直大滿足呀!!! Sa Rang Che Procuradores 341, Cusco, Peru (唔係大街, 要行入天井內, 好易miss 左個招牌架! ) Hea Hea 下又一day ~ 聽朝要出發去2D1N 馬丘比丘團, 所以又要執野! 第10 日, 又完~