17.02.2015 行程簡介: Salt Flat starlight + sunrise tour > Uyuni 遊蕩 Hotel: Hostal Oro Blanco (Av. Ferroviaria No. 6 entre Sucre y Arce, 9999 Uyuni Bolivia) 真係一日比一日早.............. (呵欠中... ) 訓左一陣... 好掙扎... 好攰... day tour 已睇左天空之鏡.... 好想放棄.... 終於.... 0200向starlight 出發!!! 同日頭情況一樣, agent 門口又埋滿了一眾參加星空日出之旅的團友和司機 今次我地又係坐Mario車 (唔使瞓??!!) 唯一唔同, 就係全團7人, 除了我倆, 其餘5人都係日本人 而當中仲有3個係一個人來!!! 可想而知日本人對天空之鏡的熱愛及瘋狂程度!!! 又dun 左個幾鐘, 來到漆黑一片.... 司機熟練地在司機位瞓覺, 團友們就開始發癲狂影....... 滿天星星, 仲睇到銀河, 靚到癲! 亦都凍到癲! 咁啱架車開左燈, 影到咁既效果 同3個日本團友傾下計, 玩下畫字 (完全唔識整, 試下試下又畫到D 喎~ ) 不錯吧?! 呢張差少少, 睇到係La Paz 嗎?! 又月光又太陽, 好神奇! 開始日出 (好Q凍) 又係跳的時候!! 呢個團都值得去, 夜晚同日頭完全2個FEEL, 不過要捱得眼瞓, 仲要著好多保暖既衫 + 風褸 + 頸巾 + 帽 + 手襪..... etc. 因為真係好凍好大風! 我地到4點都頂唔住上左車休息/避寒一陣! 天空之鏡之旅完滿結束, 天光晒之後返到agent 度已是早上8點! 梳洗過後, 就撘車去機場改機票 (改早1日) 因為Uyuni 除左天空之鏡... 實在無咩好玩! 早D 離開好過 搞掂好後回酒店瞓覺.......... 午餐唔知食乜好, 又係PIZZA .... 可能習慣左香港sever 野既速度, 黎到外地, 覺得佢地手腳好慢好慢... 下面個洋蔥湯同PIZZA , 等左半個鐘! 不過諗心一層, 人地即叫即煮, 新鮮野食要等都係正常既! 食飽閒逛 (其實無咩好行) 見到有個好雞的遊樂場, 有個好雞的摩天輪, 同埋呢個好高好長的瀡滑梯! 梗係要玩啦!!! 勁高, 又辣pat pat, 仲有波浪! 勁正! 玩左幾次! 晚餐唔想再pizza , 食左墨西哥圈, 好味! 同店員雞同鴨講! HAHA.. 好彩有個鬼妹仔幫手翻譯 (Spanish / English) 天空之鏡日晚都玩晒, 心滿意足! 明早走人!!! 第8日, 完~ 後悔mode: 之前擔心睇唔到, plan 得太多時間係Uyuni , 嘥左D 時間
