15.02.2015 行程簡介: Mi Teleférico Green line > Mega Center > Mi Teleférico Yellow line > dinner Hotel: La Posada de la Abuela Obdulia (Linares 947 (Sagarnaga y Tarija), 9999 La Paz, Bolivia) (繼續住同一間!!) 個行程安排得麻麻地, 明天先飛Uyuni, 今日完全無野做! 不過, 可以休息下都好, 自由行唔使行程日日排滿嘛! hehe.. 第一站: 坐吊車! Mi Teleférico 係La Paz 2014年先開既吊車, 係世界最高海拔的吊車 現時共有3條線:: 紅, 黃, 綠 (亦即係玻利維亞國旗嗰3種色呀!) 呢3條吊車線係由一間奧地利纜車公司建造既 我地由市中心撘的士去綠/黃色的總站 Estación Teleférico Libertador 車費B$15 我地首先撘綠色線, 每人每程B$3. 中間仲有2個站 Estación Teleférico Alto Obrajes 同Estación Teleférico 17 de Obrajes (可以不下車) 吊車係民居頭上飛過~ 去到好遠.. 好遠.. 車箱好大, 每卡可以坐10人! 不是繁忙時間, 都唔代表可以獨佔一車箱! 就算你願意等下一卡無人的, 個職員都唔會俾你咁做, 要你同其他人一齊坐滿同一卡 可能對當地人來講, 呢個Cable car 唔係for 觀光, 係當地居民的生活交通工具! 坐第一程時, 咁啱無乜人唔使同人share 一卡 到了總站 Estación Teleferico Irpavi 就一定要下車了 ! 落車後行無幾遠, 就係大型商場 Mega Center ! 裡面有得shopping (當中不乏有牌子的商鋪), 大超市, 戲院, 餐廳, food court 等... 午餐選擇左一間西餐廳, 唔貴(以香港紙水來說) , 又好味! 有salad, 湯同簡單意粉, 點main course + B$30 任食! 原本無諗住叫, 後來見到佢地係open kitchen 整緊, 又order 一份! 超級好味呀! Santa Cruz 既牛, 估唔到咁好味! pasta 有4款, 汁又有好幾款, 我地揀左Ravioli Alfredo 逛完Mega Center, 撘返落山, 又撘黃色線! 黃色線都有4個站, 但尾站維修保養進行中, 唯有第3站落車: Estación Buenos Aires 無啦啦有中文街道名.. 唔通有中國人住?! 呢個站完全不是觀光點! 只有民居! 果然不是觀光吊車.... 只係當地人用來上落山的交通工具!!! 就咁就每人用左B$12, hea 左大半日!正 8-) 落返地面, 過返San Francisco Church 睇來當地人都仲係好興奮, 全街的人不斷掟水彈, 射水槍, 玩噴泡, 著雨褸都無用! 為免被波及, 我地早少少食晚飯 呢間位於San Francisco Church 旁邊既Thai Food 雖然無乜service 可言, 但味道OK ! 個紙包魚好好味! menu 話係Lake Titicaca 既鱒魚 (Trout) 黎架! 呢個係雞, 都唔錯! 而2碟最唔好食的, 係D 飯! D 米好怪! 又乾又硬咁! 由於明早(又係)要一早出發, 所以食飽就要早D 回酒店收拾執行李, 搞埋check out 手續 明日預告:: 向烏尤尼鹽湖出發!!!! 第六日, hea 住完~
