14.02.2015 行程簡介: Oruro Carnival Hotel: La Posada de la Abuela Obdulia (Linares 947 (Sagarnaga y Tarija), 9999 La Paz, Bolivia) (早出晚歸!!) 關於Oruro嘉年華 :: Oruro嘉年華係每年一次的盛事, 為期10 日, 每年吸引大約40萬人參與 巡遊隊伍會以不同舞蹈和音樂來慶祝, 當中有D 叫La Diablada (Dance of the devils魔鬼之舞) 佢地每人都著上非常華麗, 而且手工精緻的表演服, 靚到好似藝術品咁! 雖然話嘉年華係為期10日, 但最熱鬧的通常是Ash Wednesday 聖灰星期三前的星期六 想知道2016-2020 年嘉年華的日子, 可參考呢個網頁:: http://www.boliviahostels.com/CarnivalOruro.html La Paz 去 Oruro 要大約4個鐘車程, 所以一般 1 day tour都會係零晨出發! 3點半已準時係酒店樓下等, 一等便是半小時..... Zzzz 在室內還好, 不太凍 小巴駛到半路中途天光了(大約早上6點) , 到了一片很空曠的地方 無啦啦有個球場, 就停車食早餐! 唔好睇少呢幾個箱, 裡面有齊早餐和餐具 有芝士, 火腿片, 方包, 果汁, yogurt, 仲有最好的 :: 熱茶/熱咖啡/熱水/熱奶!!!! 好感動呀!!!! 因為真係好凍好凍! D 風吹埋來, 我估得3-4 度! 右手面既, 只係荒廢左既爛尾東西, 唔係係乜 而身後一大片平原, 就係大家既洗手間! >_< XDDD 食飽, 又向著無盡的公路出發! 早上9點, 終於到了! 領隊首先向我地派嘉年華紀念品: 有個袋仔, 2 罐飲品 (應該係啤酒), 和一頂小丑帽 跟住簡單briefing 後就帶我地去指定坐位啦! 觀眾席係用木板和鐵枝撘建, 頂頭仲有帳篷! 由於全年得一次嘉年華, 主辦單位當然想用有限的地方撘最多的觀眾席啦~ 所以所有坐位都係好細好窄, 腳都無得伸, 腰背都被後面頂住! 坐落左就郁唔到, 出左去唔使旨意入返來坐!!! 我地算早, 去到時未坐滿, 但巡遊已經開始左! 所有表演者, 不論男女, 不論老幼, 個個都好落力好落力! 不過... 1st hr - 超正 2nd hr - 正 3rd hr - 差不多 4th hr - 睇夠了 5th hr - 走得未.. ! 唔知點可以睇2日! 哈哈! (暗自慶幸買唔到2 day tour!) 點擊圖片放大 +2 唔知咁係咪代表好有錢呢?! 點擊圖片放大 表演人員都幾辛苦下.. 一路著住咁重的衫一路跳舞, 好彩有工作人員不時俾野佢地飲! 如果唔係暈低都似! 俾人噴到一頭都係泡!XDD 嘉年華限定版 小朋友都表演得好落力架! 團費包括的午餐 大媽落力跳! 後期落大雨, 巡遊一度暫停, 雨細返DD (其實仲好大) 又開始跳過.. 唔理全身濕晒, 仲要好認真好落力跳, 佢地真係好愛跳舞! 點擊圖片放大 大媽大叔都好落力.... 向觀眾兜售各樣食的玩的 點擊圖片放大 停雨之後我地決定出去行下, 但因為地下好濕, 人多又車多, 要好小心行, 週圍又無鋪頭 最終行左2個圈之後上返車坐..(再一次暗自慶幸買唔到2 day tour! :lol: ) 到5點幾時, 導遊特登打電話俾我地, 叫我地入返去, 因為佢話全個嘉年華最出名的隊伍巡遊緊! 希望介紹俾我地識喎(全團得我地2個HK人)! 咁我地見佢咁有心, 立即 "想" 入返去啦 無錯.. 係想入, 但係入唔到!!!!! D 人已多到迫唔到入去! 可惜.. 嘥左佢一番心機添! 第五日, 完!
