13.02.2015 行程簡介: La Paz city (海拔3600米+) > Plaza San Francisco > Calle Linares > Plaza Murillo > Calle Jean Hotel: La Posada de la Abuela Obdulia (Linares 947 (Sagarnaga y Tarija), 9999 La Paz, Bolivia) 尋晚第一晚去到La Paz, 回到酒店已好夜, 超級攰, 又肚餓! 好彩我地帶左熱水煲同即食越南河粉! 熱水浸一就食得! 第二朝起身, 覺得有少少頭暈, 可能一來唔夠休息, 又高地, 少少高反, 即刻動作緩慢+飲葡萄糖水! 食完早餐就精神返晒! 今日主到係去: - 買機票 (La Paz / Cuzco) - 買 Oruro carnival 1 day tour - 洗衫 - La Paz 周圍行下 一出Hostel 就有得shopping ! 女巫街 點擊圖片放大 +2 咁啱我地係La Paz 幾日, 係佢地公眾假期, 據聞係慶祝Mother of the earth, 全城進入瘋狂hyper mode!!! 真係去邊都見佢地玩緊! 周街都係賣水槍, 面具, 拉炮, 紙碎, 噴泡... 等等, 呀! 仲有一樣 :: 雨褸!!! 行到熱熱地, 入士多買返支可樂嘆下先! 估唔到只係B$1 咋!!!!! 抵呀! 長期多人的San Francisco Church點擊圖片放大 周圍都見到有爆谷賣, 都唔知係人食定餵雀鳥.. HAHA.. 味道咸咸地, 但un 多過脆 XDD 一路向Plaza Murillo 進發, 見到好繽紛的大媽! 又一班人進入瘋狂狀態! 點擊圖片放大 去到Plaza Murillo, 好多好多好多白鴿, 所以我地叫佢白鴿廣場! 包唔係太好味既爆谷大派用場啦! 好受白鴿歡迎! 仲飛到我成手臂都係添! (仲有雀屎添! )點擊圖片放大 Calle Jean 香港炸雞店 行到好攰, 係時候返去, 係酒店附近搵到間燒雞店, 好local 的! 又平又好味 前面係燒雞配意粉, 後面係牛扒腸仔意粉, 2 碟都好大份! 燒雞同牛扒都好味, 好juicy , 腸仔是怪味的 配菜有些雜菜碎, 仲有.... 炸香蕉!! 唔啱我口味! 仲叫左汽水, 埋單大約30蚊! 嗱嗱聲返去沖涼瞓一陣, 零晨3點要出發去Oruro 啦! Zzzz.... 第四天完~
