12.03.2015 行程簡介: Overnight bus to Puno (海拔3800米+) > Lake Titicaca 蘆葦島 > bus to Copacabana / La Paz 無啦啦到左Puno都唔知... 朝早6點幾.. 落車先睇到架車原來係咁款! 第一件事:: 買去La Paz 的巴士票! (我地買果時Puno/ Copacabana 2點果班得返最後2個位咋!) 路線: Puno > 2.5 hrs > 落車, 出秘魯境> 行條斜路> 入玻利維亞境> 6pm 上返車去Copacabana > 轉另一架巴士去La Paz Puno 去Copacabana 得3班巴士, 正好去完蘆葦島再撘2點果班車! 買飛時佢分開左Puno > Copacabana // Copacabana > La Paz 2段咁賣, 記得拎住巴士票憑票上車! 買好車飛, 放低行李係售票處後, 好肚餓, 嗱嗱聲撘的士出去搵野食! 原本想搵間餐廳坐低食, 點知行行下見到好多人圍住呢檔野, 我地又膽粗粗一試 ! 點擊圖片放大 +2 個包係凍既! D 肉就好似之前食的Alpaca 肉咁上下味, 仲有炒過的薯條同洋蔥! 味道唔錯! 最緊要平! 加埋杯好淡口既熱朱力.. 地道早餐完成! 隔離仲有賣芝士阿婆! 食餓就行去碼頭lu! 點擊圖片放大 要去蘆葦島, 先要係碼頭information counter 買船票(S/10), 再行前2步, 又會有人叫你買入島票(S/5) 一架船大約可坐20人, 要等坐滿先開船架! 綠色果D 係浮萍黎架! 到步後好多大媽歡迎你! 首先係聽歷史呀, 地理位置呀, 跟住就係蘆葦島的形成, 島上居民的生活, 蘆葦的用途等等等...仲有迷你蘆葦模型輔助講解添! 又係全團人得我地2個唔識西班牙文..又要導遊先用英文講一次俾我地2條友聽! hehehe.. sollie~ 顧名思義, 蘆葦島係用蘆葦一束一束捆綁而成, 所以初初踏上去會覺得軟林林, 有D 浮下浮下既感覺! 購物時間過後, 導遊邀請我地(自費S/10) 撘蘆葦船體驗一下, 不過見我地全團人都不為所動, 就主動降價到S/5! 點擊圖片放大 另一架蘆葦船 回程返得碼頭來都12點半lu! 又係時候食lunch! 第三天, 待續~
