11.02.2015 行程簡介: 鹽田 Salineras de Maras / Moroy half day tour > 燒雞 lunch > 細版耶穌山 Cristo Blanco > 晚餐後坐通宵車過 Puno 雖然張床算幾好瞓, 可惜Jet lag 依然, 我2 個天未光就醒左! 梳洗過後, 落樓下食早餐先! Breakfast @ Samana Inn 好。豐。富！ 食完上去執埋D 野就要check out, 寄存行李同出發去半日tour 啦~ 集合地點係返agent 門口, 但其實所有團都係會行去後面街上旅遊巴 (1) Agent 個staff 將我地交左俾另一個負責點名的人就走了 以15s呢個價錢報得團, 都估到會係先中央處理, 再分批跟個Guide 上車 成架旅遊巴坐滿晒之後, 走得! 成車人得我地2個香港人, 再加3個韓國人係唔識西班牙文 咁導遊先生都好好人咁, 走來我地5個附近, 先用一次英文講解一次行程和歷史, 再用西班牙文同其他團友講一次! Tour 先到個一唔記得咩村.. 了解下佢地以前D 生活, D 線點染色, 點織布, 再沖杯茶過我地飲下.... 最後咪購物時間囉! 我就趁有唔使錢又算朝淨的洗手間, 去左先.... 左邊係我地個導遊, 中間幾個著住當地衫既就係演說的女子 下一個行程, 就係鹽田 Salineras de Maras 啦~ (熱切期待) 架車行左好耐.. 突然落車時就見到一格一格的鹽田啦~~ 遠望都幾靚架! 不過可能未結乾, 唔係好白色, 一池池泥水咁~ 點擊圖片放大 各類不同粗幼的鹽 隨處可見的手工藝手信店 呢度唔係留左好耐, 好似20分鐘咁上下, 又上車去下一個景點 - Moray 去Moray 的途中 去到Moray, 我地唔入, 唯有四圍行, 外圍綠草如茵都幾靚架~ 不過有D 落雨, 地方空曠, 有少少凍! 點擊圖片放大 無得入, 睇下地圖當去左! 好不容易等到夠鐘, 回程返去, 到Cuzco 已經係2 點幾了! 多數tour 都會係San Francisco Church 對出落車(2), 不過落雨, 我地急急腳去搵野食! 呢間燒雞(3)就係落車不遠處, 旁邊仲有個Handcraft Market 添! 有相睇, 唔怕唔識點菜 1/8 燒雞餐 1/8 雞其實唔夠食! 見到佢D 薯條炸好晒放埋一邊, 所以已經淋晒謝晒皮! 嗰碟湯裡面有D 薯仔粒同飯, 仲有件雞(骨). 怪怪地, 但當地好興, 味道不至於差, 但賣相就差D ! 件燒雞就好好味! D 肉好嫰好 juicy! 呢個係Pollo a la Plancha, 一大片雞柳, 少許咸, 燒雞好味D 食飽燒雞, 又開始四圍行, 經過後面個拱門(4), 直行就見中央市場(5) :: Mercado Central San Pedro 中央市場都幾大, 分開乾/濕貨區同好似food court 的大排檔, 好多野賣, 但人唔算多 果汁檔 攤晒出來的芝士 好大粒好香的粟米, 但食落就唔係太好味, 唔甜既＿ 薯仔出產地, 品種多到呢... 行完中央市場, 時間仲好早, 決定撘的士上耶穌像 Cristo Blanco 同的士司機議好價後 (來回20s) 就出發, 沿途會經過Sacsayhuaman 耶穌像 (秘魯版) 其實山頂area 幾細, 除左個細版耶穌, 就只有睇下風景, 不過景色都唔錯! 影幾張相, 走得! 晚餐去左間幾貴地方靚但risotto 好好好好好咸的餐廳! 咸到入唔到口, 要叫佢換過碟, 不過第二碟還是好很咸! 好彩意粉正常 頭盤橄欖, 好咸 超咸risotto 飯後去左一間在Tripadvisor 排名好高的甜品店 :: Qucharitas Trip advisor 食評 http://www.tripadvisor.com/Restaurant_Review-g294314-d7152972-Reviews-Qucharitas-Cusco_Cusco_Region.html 是日口味 炒雪糕的桌面 飲飽食醉, 係時候上路! 撘Curz del Sur 要早半個鐘到車站, 因為要check in 行李, 要查飛, 要對passport, 開車前仲會有人用個cam 續個乘客拍低個樣! 感覺上好安全! 坐位都幾闊, 舒適, 不過開頭開到個喇叭鬼咁大聲, 原全瞓唔到!! 失敗!! 就係左上角位哥仔拍低每個人個樣架啦! 7個鐘的通宵巴士旅程要開始啦~ 第二天, 完~ 後悔 Mode : 應該去完Moray + 鹽田, 第日即去Secert Valley - 馬丘比丘, 不過我地準備唔夠, 功課做唔足, plan 行程plan 得唔好 秘魯 + 玻利維亞 :: 準備出發 秘魯 + 玻利維亞 :: Day1
