秘魯 + 玻利維亞 :: 準備出發 人生第一次勇闖南美, 準備梗係要充足D 啦~ 1.機票 我只用 skyscanner 比較過 KLM / American Airline. KLM vs AA KLM HK --> 荷蘭 --> 利馬 $17,xxx AA HK --> 美國 --> 利馬--> Cuzco $11,xxx 要美國簽証 最終我地揀了AA, 原因有三: - AA 係 under one world. 對我地來講儲開Asiamiles 方便 d. - KLM 係荷蘭轉機. (我冇攪錯的話) 要訓 1 晚. AA 係美國轉, 只等 2 hrs 左右. 利馬再等 5 hrs 左右 - AA 同 南美 LAN 聯營. 加多 HKD $1xx 左右已可去到 CUZCO. 計埋美國簽証 d 錢, 再俾多少少錢揀埋位 (香港來回Dallas 2段) 都仲係抵 D. (當然. 我本身冇美簽. 要煩多 d 手續 lo) 無論點... 去南美都係飛好遠呀. :-( HK --> (~13hrs) 美國 (等2hrs) --> (~7hrs) 利馬 (等5hrs)--> (1hr) Cuzco = Total 28 hrs) 2. 酒店 上Tripadvisor / Booking.com 睇comments, 再經booking.com 訂, 全部都唔使立即俾錢, 去到check in/check out 先俾當地貨幣(美金通行) 唔係咁多hostal 可以簽CARD, 所以要記得預留找酒店的cash. 基本上tripadvisor / booking.com D comments 都中肯既, 全部訂房都OK 唔會話超出想像 3. 預防疫苗 入境秘魯, 除非你要到亞馬遜盤地, 如果唔係都唔使特別打針, 但如果要做玻利維亞簽証, 要求文件中就列明要黃熱針證書副本! 黃熱針可以到政府的旅遊健康中心預約接種, 需要係出發前最少10日拮一針, 有輕微side effect, 而預約星期六亦比較full, 所以需要打就記得早D 預約! 打針當日去到中心, 先要填一份關於你旅程的form, 之後就會見醫生, 醫生會了解下你的行程, 仲會俾好多意見你 (例如今次係我地第一次去海拔咁高的地方, 而我地又一飛就由低地直飛3300+ 的Cusco, 醫生都有提醒我地如果有高山症點應付!) 另外, 除黃熱針外, 醫生都有建議我地打其他針, 一來去南美要小心D, 二來政府打, 平D! 咁經過大約3秒既考慮, 我地就決定打多2支: 診症費 -- $315 黃熱針 -- $200 甲型肝炎 -- $185 傷寒 -- $120 Total : $820 / 人 for more information, please visit 旅遊健康中心網頁: http://www.travelhealth.gov.hk/tc_chi/contactus/contactus.html 4. 高山症 - 由於西藥會有尿頻同手腳麻痺的副作用, 所以雖然西藥好方便 (去到當地需要時服) , 但我地都係選擇左中藥 -- 紅景天 多數包裝/售貨員都話出發前1星期開始食, 但因為有朋友試過唔得, 所以我地早3星期前就開始食, 每日一次, 每次2-3粒. 最終只有好輕微頭暈頭痛, 太太亦只有少許心跳加速. - 爬文時有人提到, 高濃度的葡萄糖亦有助減輕高山反應帶來的不適, 所以都買定獨立包裝的葡萄糖粉以備不時之需! - 第一日到達時, 所有動作放緩, 慢慢行, 多休息, 第一晚無沖涼洗頭, 雖然無咩高反但都唔敢摶, 第二朝真係無事先沖乾淨涼出發去玩! 5. 其他備註 - 時差. 對我個人來講, 坐飛機訓唔到覺, 時差辛苦過高山症, 不過呢個冇咩計. 有時間可以 plan 係美國 / Lima留1日 buffer 調節下. - 要要要要要準備 Backup 相既方法. 方法好多. 我用 ipad. Connect 相機 wifi SD card backup. - Offline 既 Google Translate. 西班牙文<=>英文. 對我來講好有用, 好幾次英文講唔明, 要打英文再翻譯西班牙文比人睇. - 食物: 帶左少量餅乾零食, 4個即食越南河粉, 幾包清熱酷 (當地食物好熱氣) 6. 要帶 - U 型枕, 上飛機, 撘長途車都啱用, 我係Uji 買左個厚既, 幾好用 - 旅行熱水煲. 對於我來講, 成日想飲熱水. 仲有如果想食 noodle. 要帶 lo. - 潤唇膏. Dry 爆. - 拖鞋. 我一上長途機. 返到酒店就要. 我 book 既酒店都冇拖鞋. - 旅行防盜腰包. (其實我覺得都安全. 但... 都要既. 小心 d 好) - 牙膏牙刷面巾跟身. . . 飛到口都臭 - 錢. (我2個人帶 HKD 25000. 13日. 夠用有剩. 夠比酒店+食+交通. 但我地無乜點買野). 當然個個人使費唔同啦. 不過要帶定 d US$1. 有少少機會要比 Tips. - 防曬. (我 2月份去). 一定要, 長期要搽, 唔搽即燶! - Rayban. 一定要. (因為我只識 Rayban 呢個牌子) 好啦好啦, 講左太多, 出發啦~~~ 秘魯 + 玻利維亞 :: Day1 秘魯 + 玻利維亞 :: Day2
