Day 170 – 196 – 鷺梁津 x Shake Shack 漢堡 x 首爾世界煙火節 2016.09.12-10.08 서울(首爾) 懶惰既我再次從返網絡世界,再次寫返 Blog。 好耐無寫文既文,確實有點唔慣,所以有任何錯字,請多多包涵! (頭盔已帶) 基於人既惰性,本人特意開左個 ig ,咁我就算無時間更新個 blog 都好,都可以保持 update 最新狀況。Instagram: https://www.instagram.com/higuain_365_days_in_korea/ 鷺梁津水產市場 ( 노량진수산시장) 地點︰首爾 ( 서울) 日期︰9 月 12日 (Day 170) 呢張圖雖然係用左 filter,但同實際唔差得好遠,黃昏既鷺梁津確實好靚!(只係會隨風飄過一陣陣既魚腥味 only) 點擊圖片放大 老實講,來首爾食海鮮其實係唔值。雖然係新鮮,又有d係香港食唔到(e.g. 海腸同海菠蘿),但講烹煮方法,同性價比,完全追唔上香港。就算要食,同樣既野係釜山都會平好多。所以鷺梁津真係一次就夠。 買海鮮係一個價,另外係餐廳食野又要比另一舊錢。我係韓國朋友帶領下,我只比左3萬won (約210 港紙)入場費。其餘買海鮮既錢都係我朋友比。 韓國朋友淨係話左比我知呢條魚洗左5萬 won (約 350 港紙),其他既無同我講,但我估總共用左10 萬 won ! 合家歡 :) 生八爪魚 (點麻油食一流) 仲有好核突既海腸,其實唔睇樣既話,係唔差。質感似"鞋"版既牛栢葉,完全無味。 烤熟既海螺,超大隻,熱辣辣,超好食。 頭先條魚起左肉後,剩底既魚頭就攞去煮湯。 Shake Shack 漢堡 地點︰首爾 ( 서울) @ 江南 (강남) 日期︰9 月 24日 (Day 182) 紐約有名的連鎖漢堡店Shake Shack在7月底登陸首爾江南...... (根據網上資料) 上網話睇到超多人排隊,果然,係好多人排隊。 點擊圖片放大 其實份量偏少,而且偏貴。 等左10分鐘,終於有得食 (係講緊買完之後等既時間,係門外係要等好Q耐) 啤酒好飲,無乜苦澀味,入口好醇。 8,900 won (約 60 港紙) 既漢堡,好唔好食就見人見智。可能本人無食過好好食既肉,對於我來講,係好味,但我唔覺得需要去到排好耐去食。 首爾世界煙火節 (서울세계불꽃축제) 地點︰首爾 ( 서울) @ 漢江 (한강) 日期︰10 月 8 日 (Day 196) 點解首爾放煙花會同"世界" 扯上關係? 因為會有來自世界各地既煙花團隊輪流表演。呢日我同來自世界唔同地方既朋友係漢江公園睇煙花。 下面唔多講,有圖! 點擊圖片放大 +19 燒肉,一個字,好味,完! 睇緊呢個 blog 既朋友們,可 click 入以下個人 fb 專頁比個 like。 日後個 blog 有咩 update ,fb 都會彈出通知。 fb: https://www.facebook.com/HiguianxKorea365/ ig: https://www.instagram.com/higuain_365_days_in_korea/ 你既一個 like ,就係我出文既最大源動力! 未完待續……