Day 143-158 – 8月份下半部回顧 ( 布帳馬車 x 盤浦大橋 x 語學院同學聚會 x K房) 2016.08.16-08.31 Seoul (首爾) 呢半個月過得好安靜，無出首爾以外既地方玩，但係都好開心。 同唔同既人有聚會，有 roommate、語學院同學、仲有從香港來既朋友 tim~~ 布帳馬車( 포장마차) 地點︰鐘路3街 (종로3가) 日期︰8 月 17 日 (Day 144) 呢個中文名聽起來奇奇怪怪，因為它係本身韓文漢字。 呢個係韓國人好鍾意去既地方，尤其係大叔們，可以比人坐底摸酒杯底，暢談心底話既好地方。 如果你話似香港既大排檔既話，我會話更似台灣既夜市既攤檔，又或者日本既屋台。 由於係路邊擺檔，所以對衛生方面講究既朋友就未必接受到。 但作為 wh 既旅客，又點可以唔一試當地特色！(更何況本人一向唔怕污糟) 其實每個地方既路檔賣既都唔同，鐘路3街既主要係以小炒為主。我之前去過既惠化就主要雞肉串燒同海鮮，其他一般既主要魚串、辣炒年糕、炸物等等。 唔識韓文都無問題，因為中國人係無處不在~~ 設施好簡單，一個凍櫃加一個鑊 大媽好好人，叫她比我影張相都肯，仲要呢個角度岩岩好，賢妻良母味伴隨煎魚香散發出來，一個字講哂﹕正！ 兩個字講哂﹕好很正！ 呢個係辣炒雞軟骨，但雞軟骨少得可憐 Cheers!!!! 點擊圖片放大 "馬車" 既確實地址 盤浦大橋( 반포대교) 地點︰高速巴士客運站 (고속터미널역) 日期︰8 月 18 日 (Day 145) 呢日有朋自遠方來，來自香港既朋友來首爾觀光，咁岩約到時間出來一齊玩。 於是就係我放工後，相約於高速巴士客運站等。(一聽到人地來玩，而自己只可以留係 office 做野既感覺相當難受……) 題外話，呢個高速巴士站有個地下街商場，鍾意買衫褲既都可以來買，但男仔可以慳返車錢來..... 呢個巴士站主要係到附近既盤浦大橋睇彩虹噴泉。之所以叫彩虹噴泉係因為有唔同顔色既光照射噴泉而成。而且唔係成日都有，仲要有表演個都要睇時間…… 由於唔肯定朋友既意願，所以係度無貼度合照~~ 手震系列一 手震系列二 各位，由於需要掌握角度同 timing，所以好似洪金寶咁講" 唔係咁易既"。呢張自問係捉得最好個張，當然無網絡個d咁靚 la~~ 之後就去左附近影相，燈光會變色的。 變色中 嗱嗱嗱！變左！點擊圖片放大 之後就去左叫雞，位於明洞既枯箱枯雞 唔係炸雞，係應該用光波爐烤個種。 感覺還不錯！ YBM語學院同學聚會(YBM 어학원 모임) 地點︰鐘路3街 (종로3가) 日期︰8 月 22 日 (Day 149) YBM係我一路以來上開語學院，係首爾圈內應該係最平既語學院，每月約 17 萬 won。 當然課本深度同功課壓力係無其他學院或大學咁大，對於我呢d 要返朝九晚六既人來講係最適合不過。呢日好難得，因為係咁耐以來第一次全部人都來齊。(p.s. 來唔齊既原因係因為有時大家都好懶，都有人係因為純綷公司資助，所以間唔時先來……) 呢日都係班上其中一位日本同學 - Katoさん既生日，一班同學就搞個生日會。 大合照！ 好耐無飲既麒麟啤！ 好大 jar！ 炒烏冬 點擊圖片放大 +4 K房 (노래방) 地點︰弘大 (홍대) 日期︰8 月 25 日 (Day 152) 話說我同房有個西班牙 roommate，仲有個印尼 roommate。又話說我有個韓妹同事，她曾經到西班牙生活過半年。當她知道我有個西班牙 roommate ，就話好想認識仰慕佢。 係約左超過半個世紀後，我地最終可以見到面。點解咁難約？因為西班牙 roommate 係西方人，個性比較開放，屬於 party animal，所以……你懂的~~ 首先來左呢間無限 refill 既烤肉店，真係好抵，每人1萬 won 左右，遲下再介紹！ 印尼 roommate 年屆 23 歳，話唔嗜酒，所以可樂代酒~~ 秀 노래방 (即係 luxurious K 房)，其實對比香港，規模確實輸一大截~ 西班牙歌曲 中文歌曲 童話 (我印尼 roommate 都識唱) 好鍾意呢個 shake shake 搖鈴，一搖就閃光 睇緊呢個 blog 既朋友們，可 click 入以下個人 fb 專頁比個 like。https://www.facebook.com/HiguianxKorea365/ 日後個 blog 有咩 update ，fb 都會彈出通知。 你既一個 like ，就係我出文既最大源動力！ 未完待續……
