Day 128-142 – 8月份上半部回顧 ( 燒鰻魚 x 蕃茄節 x 滑翔傘) 2016.08.01-08.15 Seoul, Gwangju, Danyang (首爾，廣州，丹陽) 8月份終於食到我一路以來最最最想食既燒鰻魚ㅠㅠ... 鰻魚價格不菲，要揾到"志同道合" 既朋友確實唔易。 另外有點畏高既我去左玩滑翔傘，玩個陣好想快d落地，但玩完又想多次。 燒鰻魚( 장어) 地點︰弘大 (홍대) 日期︰8 月 12 日 (Day 139) 今日來到呢間位於弘大既鰻魚店 (싱싱장어)，好多電視台都有報導過呢間 (好似係)。 呢間係無限 refill ，食完可再食。 入面裝潢確實不錯，柔和既燈光，配合木阪的牆壁，感覺十分良好。 最後點左第二份，價值 32,000 won (每位，沒錯！係每位！) 上面d中文翻譯係邊個寫，老闆話係之前幫襯既台灣、香港朋友幫手寫的~ 可憐既鰻魚們~~ 發生咩事？點解堆埋一舊~ 上枱了. . . . . 上至下順序為 牛肉、鰻魚、鴨胸。之後聽韓國 roommate 講，其實淨點鰻魚其實每人都係15,000 won 左右。不過唔緊要啦，還掂都食，豪一次半次有乜所謂！ 個set 仲有蝦、年糕、南瓜同磨菇送 (不過就無得 refill) 仲有一份蒸蛋 (계란찜) 其實同日式燒饅魚有乜分別？其實我覺得唔大，只係個 source 比較甜，同自己烤會多左份投入感。 呢間鋪入面牆上有超多台灣、香港朋友既留言。 畫得幾好！ 筆者亦都唔執輸，留低足跡~ 廣州退村蕃茄祝祭 ( 광주퇴촌토마토축제) 地點︰廣州市 (광주시) 日期︰8 月 13 日 (Day 140) 朝早為 7點係光化門上旅遊巴，坐呀坐呀，坐左3個鐘都先到，途中有人頂唔順落車走。 沿途風景 終於到門口 陽光超燦爛 蕃茄足球 點擊圖片放大 +3 大會話收埋左幾隻金(屬)介指係蕃茄入面，係呢個池入面大家用自己方法整爛蕃茄，揾入面隻介指。呢個係準備畫面......... 我就乜都揾唔到.......(預左) 玩完過後洗身 滑翔傘 ( 페러글라이딩) 地點︰丹陽市 (단양시) 日期︰8 月 15 日 (Day 142) 呢日係咁耐以來最期待既一日，有點畏高既我o係 roommate 既驅使下，走左去玩滑翔傘。連玩機動遊戲既唔敢既我就係咁貢獻人生既第一次離地體驗。 朝早，又係朝早，係清涼里坐青春號到丹陽。其實有 mobile apps 可以卜 ktx 票，但要韓國 store 先可 dl 到，好彩 roommate 幫我卜左。 我 roommate 返左鄉下，所以我地相約係丹陽見面。去程我係弧身上路...... 車內實景 因為我唔知係第幾個站落，所以向隔離行既小朋友問路，估唔到我半筒水既韓文可以成功問路！ 而坐我隔離既婆婆都同我吹左幾句，吹吹下居然比左隻雞蛋我, haha！ 終於到達了！ 丹陽站 到左丹陽站仲要坐車上山先有得玩..... 上山中...... 未出發，先興奮！ 出發地點 自己玩之前睇下人地點玩 影片﹕https://www.youtube.com/watch?v=byb-DMGp5C4 嘩！到自己飛~~ 其實我比左 1萬 won 係租佢個 GoPro 來拍片，所以呢度關於我自己既相都係片中cut 出來。 由於筆者比較怕羞緣故，所以暫時無打算放自己飛段片出來....... (可能遲下放出來吧) 中午食左個唔知咩野食，老實講，韓菜十之八九我都覺得普通....但呢款確實唔錯！ 點擊圖片放大 食飽飯就去左洞穴之旅 價錢每人 11,000 won 就見人見智.... 點擊圖片放大 +2 其實仲有好多靚鐘乳石，但奈何洞內太黑，手機無法影到所見既靚景...... 有圖不解釋，馬！ 臨走同 roommate 及其同行朋友既合照~ 睇緊呢個 blog 既朋友們，可 click 入以下個人 fb 專頁比個 like。https://www.facebook.com/HiguianxKorea365/ 日後個 blog 有咩 update ，fb 都會彈出通知。 你既一個 like ，就係我出文既最大源動力！ 未完待續……
