Day 37-45 – 返新工 x 飲食介紹 (上篇) 2016.05.02-05.10 Seoul 今日係返新工第一個禮拜。 話說我通過左個英文組面試,成功揾到份新工。 呢間公司係一間外國公司,諗左好耐好唔好寫個名出來,最後都係決定唔寫住~~ 返工地方離屋企好鬼遠,要1個鐘15分鐘。 頭一個星期都拖住疲倦既身驅上為期3個禮拜既 training 。 Training 既內容我當然不便公開,但同同事既相處就稍後再講。 講到返工,梗係唔少得逼地鐵。 撘地鐵返工時間同香港一樣人多,不過唔同既係度門一開,d人就係度亂衝亂撞,如果係香港,大概伯母要受罪了。另外,就係無論點爆,點都要入到去。(請睇下圖) 首爾地鐵1號線九老站 有圖唔解釋點擊圖片放大 ---------------------------------------------我是分隔線------------------------------------------------ 以下係呢個星期我食過既美食~ (美食呢家野見人見智吧!) 치킨마루 (CP值超高,8,500 won 就買到,其他廣告代言既最平個款差唔多15,000 won 起) 點左最平 8,500 won 既크리스피 (crispy)點擊圖片放大 送一盒酸蘿蔔,另外買左一條紫菜卷加一杯 lemonade (其實淨係食雞都食唔哂) 콩나물국밥 同幾個韓國同事食中午飯,佢地就帶左我去食一道全州有名既美食 - 콩나물국밥 全州除左全州拌飯 (전주비빔밥),就係呢道美食! 對唔住!聽到呢度可能會以為係咩不可不食既美食,但當你知道中文名後,你應該大概唔會想去食…… 中文係豆芽湯飯 (其實只係將芽菜放入湯飯……) 首先上枱既係韓食中不可或缺既伴菜 正式上枱 食用方法 (大概係將湯同生雞蛋撈埋係細碗入面,淺嚐幾啖後,就將淨低既倒入湯飯食) 將紫菜整碎放入細碗中 完成品 만두 韓文讀音類似係中文既饅頭 (Romanization: Man· Du),但其實係餃子,而味道同平時係香港食既餃子都無分別。 下面係惠化站附近既餃子店,CP 值相當高,4,000 won 就有交易。 惠化站對出 價錢相當大眾化(左起:魚串、煎蝦餃子、蒸蝦餃子) 煎蝦餃子 蒸蝦餃子 因為太鍾意食餃子既緣故,係第二度又食左份 MangoPlate 呢度同大家介紹一個好有用既 apps/網站 係香港有 Openrice,係韓國就有 MangoPlate 版面唔難操控,可切換英文版,就算唔識韓文都唔怕! 出到街可連 GPS 定位,揾附近既餐廳,中日韓西式都有~ 而且有評分同留言,可避免"中伏" (留言基本上都係韓文……) 網站唔止首爾,全韓國都有覆蓋,所以去韓國旅行既朋友都可以試下一用。 手機版 Google Play Store 同 iPhone App Store 可供下載。 www.mangoplate.com 睇緊呢個 blog 既朋友們,可 click 入以下個人 fb 專頁比個 like。 https://www.facebook.com/%E5%B8%8C%E5%8F%A4%E6%81%A9%E5%9C%A8%E9%9F%93-working-holiday-%E7%9A%84365%E5%A4%A9-1542886096013104/?notify_field=blurb&notif_t=page_profile_completion&notif_id=1464333680244762 日後個 blog 有咩 update ,fb 都會彈出通知。 你既一個 like ,就係我出文既最大源動力! 版權為 travelpop 作者 “希古恩” 所有 未完待續……