對比在香港讀PhD,我在德國讀PhD的經驗是,需要自食其力。聽過很多在香港或亞洲地區讀PhD的人,他們的老闆經常,甚至日日上lab問:How's your experimemt? Any new finding?或者傾project的時候ban idea,話依樣唔得,嗰樣無novelty,老闆話乜照做就得。不過點都好,佢地會揭盡所能的幫學生可以畢到業。我會形容這是家長式指導。我大老闆是研究所所長,有很多職務,幾十個學生,唔使旨意佢會理你平時做乜,亦唔得閒mon你的progress。我半年左右會在其它公開場合做presentation,佢如果有出席的話,就會知道我個progress。我細老闆係等退休人仕,佢成日同我講:This is your thesis. I can only give you advices. You decide by yourself. 佢如果見到我會第一時間同我講:Sorry that I am so busy and have no time to take care of you. 然後閃人😂所以基本上我都係自己project自己mon。我有個師兄,在德國讀完PhD後,老闆覺得佢d data太少,唔support佢畢業,佢三年就咁bye bye~唔止project,defense程序都要自己攪。接收thesis的秘書唔識英文,好在我用我d爛德文都溝通到。要去埋申請無犯罪紀錄同MPhil cert 公正,連defense委員會的professors都要自己邀請同約時間。我在香港MPhil defense全部都係research office攪的。所以如果你係嗰種無主見,要日日問人我做乜好的人,就唔好去德國讀PhD了。