呢篇文字比較多.. 因為呢晚印象十分深刻xDD 話說離開berchtesgden再搭火車到達munich已經7點幾8點 出發前有做功課, 係marienplatz附近有間大名鼎鼎ge皇家啤酒屋 (Hofbräuhaus) 作為啤酒愛好者ge我當然要去飲番杯啦!! 小迷路後, 終於見到大大個HB招牌~~ 一入到去, 差唔多全場爆滿, 氣氛好到不得了! 我同旅伴雖然知道間餐廳出名, 但完全冇諗過會咁full咁多人 仲疑惑緊會唔會冇位坐ge時候, 有兩個蘇格蘭男仔黎同我地搭訕 問我地where are you come from? speak english? 仲話不如4個一齊坐 咁見到有位坐我地梗係話okay啦! 況且旅途上遇到其他人仲一齊同枱食飯係件幾難得ge事!! 坐低冇耐, 我地發現個兩位男仔應該飲到好wing 不停問我地know唔know english 答左之後 佢地又好口齒不清咁講好多野 (其實唔係太聽得明佢地講左d咩 因為scotland d口音真係好重) 之後我地兩個各自叫左杯1L啤酒.. 當攞銀包出黎比錢個陣, 個兩個男仔話要請我地飲仲直接擺低錢比waiter埋單 (!!) 我同旅伴即刻呆左.. 2杯差不多 €16 wo! 然後佢地又唔知講左d咩 我地就莫名地呃左兩杯啤酒了xddd 飲左1/3杯我已經有少少少少醉意, 因為成日剩係食左早餐同一個包 =口= 題外話: 飲左一啖.. 我地即刻嘩一聲!! 究竟點解可以咁好飲??? 超香醇啊! 就算到左依加飲過咁多啤酒, HB仍然係我ge TOP 3! (Y) 繼續同個兩位男仔語言不是太通地"吹水".. then其中一個提議 不如一齊影相 (佢部相機超old好有趣ga! and我好後悔個陣冇拎自己部相機出黎影低留念) 打算4人合照個陣, 有個德國伯伯行埋黎問洗唔洗幫手 (呢個更加醉!!!) 佢幫我地影完相仲去攞番佢杯啤酒黎同我地一齊搭檯吹水~~ 係5個都唔清醒+理解(語言)能力只有50% ge情況下, 大家都傾得好開心啊xdddd 個德國佰佰仲教我地用杯墊好型咁做個小把戲tim! 傾傾下, 其中一個蘇格蘭男仔知道我地識講廣東話之後 話要去搵另一個朋友黎同我地傾計 (原來個位朋友係香港人不過好細個就去左scotland讀書 兩個蘇格蘭人不停叫我地問佢問題 因為佢地唔相信佢真係識廣東話 哈哈 我地問左佢有冇女朋友 點解會係scotland讀書 等.. 佢地3個走左之後我地終於可以叫野食 xp 個伯伯介紹我地食炸豬手, 仲教我地切豬手ge正確方法~ 幾好食gaa!! 雖然我都係比較中意食HB ge烚豬手 (L) 佰佰同我地講佢係交友網站識左個泰國女仔 打算遲d去搵佢 雖然都知個女仔係為左錢"" 仲暗示如果我想可以比錢我 =_= 哈 不過佢應該真係太醉啦 語無倫次mode LOL 臨走前仲帶左我同旅伴去搵佢係HB ge專屬酒杯 (因為已經幫襯左30年以上 佢離開之後我地又追加多杯1L啤酒 *w* 過多冇耐, 有個waitress走埋黎比左塊餅乾我 話對面枱ge couple已經比左錢 代旅伴送比我 (!!!) 收到個刻好感動ga! 我地即刻舉杯同佢地黎個隔空cheers!! 番屋企睇相發現我地原來咁啱影到佢地呢.. thanks so much!! 坐到差唔多11點準備離開啦.. 搭bahn等車個陣見到成班年輕人圍埋一堆 唔知係咪因為呢日場歐洲國家盃 4:2 贏左希臘 入左4強?! 佢地好high咁一路揮住德國國旗 一路係到唱歌 (國歌?) 個畫面好正好正 當刻覺得德國人民族意識真係好強+好愛國! what a lovely night in Munich ..
