話說呢個大阪5天遊係我第一次出發去自遊行.. 但係呢.. 其實同屋企人"拗"左好耐先去得成.. = = 事緣係咁 咁arm9月頭屋企人都放假.. 就計畫黎個family trip la~ 點知係我plan好左交通呀住宿呀諗住去買機票個陣.. 東x遊個位哥哥同我講.. 呢段日子已經冇哂由澳門出發ge機票 ................... shit! 一星期前明明仲有 /口 然後好la衝番屋企同佢地商量下 .. 不如係香港出發? 傾傾傾傾 說服左一大輪 finally decision made 點知!! 係我再次入去旅行社準備落訂買機票個陣 我阿媽突然打黎...... "不如都係唔好去, 香港出發太辛苦" wa 即刻瓢淚呀 唔好講笑! = = 仲好記得佢地個陣ge理由如下.. 屋企人: "armarm 3月先核災wo 好多幅射 咁危險" 我 : "我地去大板wo 隔左咁遠 大把人咪一樣咁去" 屋企人: "自遊行好似好辛苦wo 日日都係咁行 又要拎住d行李" 我 : "咁係咁ga la.. 咁一係全家跟團" 屋企人 : "跟團又好似玩得唔夠開心.. 係咁趕趕趕" 我 : "係lo 去旅行梗係要自遊行ga la!" 屋企人 : "不過你同我都唔識睇唔識講日文.. 溝通唔到咁點算?" 我 : "其實日本有好多地方都有中文字.........." 屋企人 : "但係香港出發又要早好多起身仲要搭船過去咁麻煩" fine! 於是我抱住你地怕辛苦唔肯去jie 但我唔介意ge情況下 極力爭取自己一個出發(即刻比人ban到七彩).. 又或者 搵朋友陪我?! 好好彩地 係打比好朋友訴苦有幾sad plan左大半但冇得去個陣 佢彈左一句出黎.. "其實我ok ga wo" yeahhhhh 點解可以咁感動! T___T 但當然.. 我仍然用左幾日時間先說服得掂我阿媽 ~.~ 仲獲得親情資助我大部分ge 機票+酒店 錢tim! XD (5日4夜連酒店機票+旅行保險.. total mop$5000有找)
