平日放假最開心莫過於同三五知己Gathering，不過成日唱K同去Cafe都去到悶悶地。想揾番個獨立又舒服嘅聚腳點，同大班朋友玩下又好好享受下相聚嘅時光？HelloToby為大家搜羅以下10個得意又好玩嘅Party Room，一於約埋親朋好友開Party啦！ 1）一夥 Nakama Party House 網站：www.nakamapartyhouse.com 地址：九龍荔枝角永康街29-33號兆威工業大廈12樓12室 / 油麻地新填地街251號宏昌商業大廈21樓E-F室 可容納人數：25 – 30人 一夥Nakama Party House提供超過120款桌上/卡牌遊戲，仲可以安排專業Game Leaders帶玩。場內有其他設施可以俾客人唱Ｋ、打麻雀、玩飛鏢、打機同玩下樂器，咁多嘢玩肯定唔怕悶親。想再特別啲，仲可以安排舉行螢光派對、占卜師之夜同魔術師之夜等主題活動。 2）Virtual Portal 虛擬世界 網站：www.virtualportalhk.com 地址：尖沙咀金馬倫道38-40號金龍中心9樓903室 可容納人數：12人 普通Board Game已經玩到厭咗？Virtual Portal虛擬世界或者好啱你，場內有6個VR玩樂區同多部新款嘅HTC VIVE虛擬實境裝置，包場嘅話大家可以同朋友組隊互相較量，對住大螢幕玩VR Game。鍾意新潮玩意嘅朋友一定唔可以錯過呢度！ 3）Serve YourSelf 網站：www.hksysparty.com 地址：觀塘道436-446號官塘工業中心四期13樓F 可容納人數：6 – 100人 想BBQ唔一定要去到郊外燒烤場嘅，身置市區一樣有得BBQ！位於觀塘嘅Serve YourSelf全場超過4,000呎，包括2,000呎空中花園，最適合開BBQ Party！場內仲有6間大大小小嘅Party Room，Book埋房就可以燒完嘢食拎入房，盡情打機玩Board Games。 4）Backspace 網站：www.facebook.com/backspacehk 地址：大圍成運路25-27號成全工業大廈2樓206室 可容納人數：60人（狂歡派對）；45人（歐陸式派對） Backspace場地超過千呎，兩大主題房嘅設備應有盡有。喺狂歡派對主房唱K又得，打機又得，仲有飛鏢機、美式桌球枱、電視遊戲同足球機。至於歐陸式派對主題房亦有賽車同波波池，最特別就係有開放式廚房，鍾意烹飪嘅朋友可以一展廚藝。 5）Big Party 網站：www.bigpartyhk.com 地址：葵涌大連排道182-190號金龍工業中心4座21樓J室 可容納人數：60人 租場開Party無非都係想同朋友享受私人時間，不受外人打擾，Big Party堅持獨立單位包場， 唔怕要同其他人共用場內設施，可以盡情大玩特玩！場地分成星空、糖果部屋同私人影匯3個主題，毎個場地佔地1,400呎，有街機、桌球枱、Board Games、氣墊球同足球機等，包約40款紙包及罐裝飲品任飲，仲要24小時營業，玩通宵都唔怕。 想知道更多包場派對好去處?立即登上HelloToby Blog 睇晒全文：【It’s Party Time】嚴選10大 包場派對 好地方2017 嫌以上Party Room唔夠特別，滿足唔到你嘅要求？想番開個別開生嘅主題Party？我哋平台上有派對場地租賃、派對佈置同派對用品租賃專家，無論你係想揾可以容納過百人嘅大型派對場地，定係租借爆谷機、綿花糖機等用品令你嘅派對更熱鬧，佢哋都可以幫到你！立即上HelloToby平台尋找相關派對服務專家！
