荃灣竟然有貓貓主題火鍋！貓！全部都係貓啊！點擊圖片放大 麻辣｜黑魚湯 鴛鴦鍋 🥘麻辣鍋入面居然係一嚿貓形牛油，睇住佢慢慢溶入湯底超治癒 ❤️ 麻辣香濃麻勁十足！黑魚湯底仲附送鮮嫩黑魚片，魚片切得薄厚適中、嫩滑無骨，滾幾秒就食得，鮮味十足！✨ 重慶炸酥肉 🌶️用咗仿寵物高腳碗盛裝！金黃酥脆嘅外衣裹住嫩滑肉條，鹹香帶點椒麻風味，愈食愈麻🥵點擊圖片放大 西班牙黑豚腩肉｜美國安格斯肥牛｜紐西蘭精品羊肉卷 🥩概念源自貓貓嘅純肉主食罐！輕輕一滾已經吸滿麻辣湯汁，蛋白質爆棚！ 貓爪手打蝦滑 ＋ 墨魚滑 🍤外形貓爪超可愛，口感彈牙！ 鮮鵝腸 ＋ 小郡肝 🥓以貓貓牛磺酸補給為概念，爽口有咬口，滾麻辣鍋簡直係絕配！ 有機活體豌豆苗 🌱擺盤賣相超似貓草。 湯圓冰豆花 🍧甜品特別加入咗薄荷葉，係貓薄荷嘅概念！豆花嫩滑、湯圓軟糯，甜而不膩，解辣一流。 水仙烏龍檸檬茶｜洛神花鮮橙特飲 🍹貓咪冰塊，造型超可愛，影相打卡度 100 分！主食（武隆苕粉 / 日本稻庭烏冬 / 出前一丁 3 選 1）＆ 田園菜籃點擊圖片放大 呢個套餐都會免費獲贈 1 款方叔叔 10 週年特邀首席品味官——「滾滾」盲包（全套共 5 款，仲有 1 款係隱藏版！）。公仔精緻又可愛，返到屋企即刻同家中主子同框影相🐱📸 HK$688 呢個價錢仲要送盲盒公仔，CP值極高！無論係咪貓奴都非常推薦嚟試～
