同另一半搵地方慶祝，除咗睇環境，食物質素真係好重要。今次去咗灣仔 Forkers，餐廳裝潢好有心思。點擊圖片放大 除咗 Wine Pairing 之外，仲有 Mocktails Pairing，儀式感爆燈之餘，最驚喜係發現佢哋對食材嘅執著真係好誇張。 🐖 前菜：老闆親自傾返嚟嘅 48 個月 Iberico Ham一坐低試咗佢哋個 48個月西班牙黑毛豬火腿。聽講係老闆親自飛去西班牙自家農場傾合作直送返嚟，誠意分先加滿！點擊圖片放大 🦀 招牌蟹餅：啖啖肉，真係 9 成蟹肉！呢個 蟹餅 絕對係全晚驚喜，切開入面真係「啖啖肉」，極之足料！配埋芒果汁同醃青蘋果，雖然青蘋果單食幾酸，但夾埋一齊食可以中和蟹餅嘅濃厚感，必點！點擊圖片放大 🥣 湯品：蝦頭蝦膏熬製嘅濃縮精華龍蝦湯 (Lobster Bisque)： 加錢升級絕對值，視覺上大蝦掛杯好吸睛。最重要係湯底用咗蝦頭、蝦殼同蝦膏長時間熬製，飲得出好鮮味，唔係普通粉沖出嚟嗰種。蘑菇湯 (Cream of Mushrooms)： 味道愈飲愈濃郁，口感順滑。點擊圖片放大 🍝 主菜：UAE 龍蝦尾帶子意粉 & 自家熟成肉眼龍蝦帶子意粉： 龍蝦尾用咗 UAE 阿聯酋貨，肉質真係好彈牙。意粉汁底用咗佢哋 Signature 蝦湯 sauce，所以每一條意粉都掛滿鮮味。唯一係意粉煮得稍微軟身咗啲，鍾意硬身啲嘅朋友記得提前講。點擊圖片放大 🥩45+ Days 自家熟成美國肉眼餐廳竟然有自己嘅 熟成櫃 做 Dry-aged！呢塊牛扒熟成咗 45 日以上，肉質非常柔軟（Tender Juicy）。除咗牛味，細心品嚐仲會食到淡淡嘅 果仁（Nutty） 同埋好似 Blue Cheese 。點擊圖片放大 Forkers唔止係賣裝修，喺食材來源（西班牙火腿、自家熟成、自家熬湯）真係落足心機。同另一半過嚟坐低飲杯嘢、慢慢品嚐呢啲細緻位，嗰種儀式感同滿足感真係值回票價！✨ Forkers灣仔駱克道33號萬通保險大廈地下A號舖
