日本過江龍「鳥貴族」香港第一間分店位於屯門市廣場，評價好壞參半。話說二月去日本食過一次，有對比先分到高下。點擊圖片放大 開飯前必點招牌 Mega Size酒精一律$29.9，抵飲之選！串燒加酒，完美配搭；今餐一人都飲咗兩杯🤣 必點枝豆、開胃菜鹽味醬拌青瓜及漬物四點盛。 必點招牌貴族燒，有雞腿、雞胸，調味可選鹽味/秘制醬汁/香辣，賣相不錯，不過$29.9得一串，貴族燒分別在於多咗大蔥，香氣提升，醬汁雞腿細嫩多汁，鹽燒雞胸不算嚡口，中規中矩。點擊圖片放大 +3 推薦醬汁雞肉丸，夠入味！燒鳥仲叫咗雞腎、雞心、鹽燒雞柳串配芥末、雞中翼、燒豬腩串、釀青椒等。每款都預設好調料，相對上選擇就比日本少。點擊圖片放大 期間限定春の料理就試咗鹽燒豚肉荔枝串$29.9，味道甜甜地；秘制醬汁燒雞脾菇$19.9，燒得幾juicy。點擊圖片放大 炸法式芝士餅好邪惡！炸雞軟骨超香口！最後點埋超多cream朱古力芭菲配西班牙油條埋尾大滿足！點擊圖片放大 +4 餐廳間隔佈置同日本差不多，食物款式相對較少，香港定價全場為$29.9(快速餐牌$19.9)，價錢就比日本貴約$10，部分燒鳥亦只有一串。至於性價比高與低真係因人而異。上次係日本食大部分都燒燶🙂↔️ 其實香港分店都唔算太差～鳥貴族 (屯門)🍢 屯門市廣場1期1樓1108-1111號舖💰 埋單連加一 $675⭐️ 6/10
