個個女仔都話要減肥，小編都唔例外>_< 有時見到啲食極都唔肥既紙片人朋友，真係勁勁勁羨慕。不過同朋友仔傾過計，就知道瘦子其實都唔好當！除左胖子的煩惱，佢地都有唔少瘦子的煩惱。 天生食極唔肥，明明係件好事，點解佢地又會咁煩既？？？一齊了解下！ 一：成日比人問：你點解咁瘦嫁？減肥阿？ 生得瘦又唔一定係唔食野。肥瘦都好關體質事，有啲人天生比較易水腫，食少少就漲；有啲就真係食極都唔生肉； 好似阿SA咁，都係香港娛樂圈出名既刷得之人，但佢呢十年黎都依然係咁瘦咁索。所以唔好成日誤會身邊瘦既朋友唔食野喇！佢地份份鐘比你仲刷得阿！ 二：骨架太單薄，好多衫都浪唔起 好多紙片人絲打都慎話比人笑「飛機場」。其實唔少瘦子都因為太瘦而自卑。除左著衫未必浪得起個心口，腰太幼又買唔到岩既褲，仲好容易走光添。 而近年韓國好興既鬆身衫，oversize boyfriend cutting，通通都未必岩呢班紙片人。唔好話瘦子著背心同吊帶好靚，佢地可能就真係得呢個選擇！ 三：明明食好多，偏偏又唔長肉 同上面嗰點一樣，紙片人會因為想身材好啲而想食返肥自己少少。你地羨慕人地瘦既同時，佢地都好羨慕你地有前有後嫁！不過好不幸佢地都係擺脫唔到瘦子既命運，食盡肥膩食物都起唔到乜野作用，身材就都係keep住紙片咁薄。 四：自拍既時候成日都係你揸機 個個女仔都唔想影自拍嗰陣揸機，因為唔想咁大塊面囉！而紙片人經常都會比朋友串：「你咁瘦，大頭都唔會大面啦！」 五：身邊肉肉既好朋友未必敢企係你隔離 沒有對比沒有傷害嘛！望到自己條腿咁粗咁肥，都唔好意思企起個咁瘦既朋友身邊啦。有時候紙片人都會因為身材而唔能夠同身邊既好朋友出雙入對添，好多時影相都會就返朋友唔影腳。 唔好話肥既人慘，太瘦既人都會有唔少困擾。所以話，最perfect就梗係半肥瘦啦！
