約咗朋友出旺角行街,突然想食甜品,就發挖咗呢間有米芝蓮推介食品的店鋪。見到拿破崙同心太軟都有米芝蓮推介,當然要試下啦。餐牌上的窩夫也很吸引,所以叫埋當晚餐食。 每碟甜品上桌時的賣相也十分精美。 士多啤梨窩夫 $62 窩夫溫笠笠,外層好香脆,內層軟綿,仲有陣陣蛋香。伴有糖漿和士多啤梨雪糕,將雪糕塗上窩夫食,同時感受冷熱口感,味覺層次更豐富。士多啤梨亦很新鮮。 紫薯心太軟伴雪糕 $64 本來想試綠茶心太軟,因為係米之蓮推介,但係因為朋友唔食綠茶,所以就揀咗同系的紫薯心太軟,作為紫薯控嘅我,呢款亦十分吸引,第一次見到心太軟有紫薯口味。 心太軟嘅精髓當然係外層香脆,外層流心啦。一切開,紫薯漿即刻湧出來,流心程度合格。蛋糕的外脆內軟度十分出色。紫薯漿的紫薯味很濃郁,食到一粒粒的紫薯肉。連雪糕球都配埋紫薯口味,夾晒! 芒果拿破崙 $62 壓軸上桌的是米之蓮推介嘅芒果拿破崙。米之蓮推介果然名不虛傳,拿破崙厚得來又很脆,配上甜又多汁嘅芒果,超讚。食完再食返啖伴碟嘅芒果味雪糕,好幸福。 店員很友善,喜歡店鋪有梳化位可以放手袋,同朋友相聚輕食嘅不錯地方。可以下次再來試一試米之蓮推介嘅綠茶心太軟伴雪糕。 Joyful Dessert House 網址: https://s.openrice.com/QrbS039q200 地址: 旺角 黑布街74號藝興大廈地下2及3號舖 電話: 9688 1772