是日紀念日，揀咗呢間餐廳豐富地tea一tea慶祝下。估唔到呢度平日下午都咁多人，差不多滿座，相信質素應該唔錯。店內的裝潢令人感覺relaxing，沙發座椅很舒適，亦方便放手袋。 下午茶時間，除了有下午茶餐，仍有午餐供應，午餐中還有全日早餐可選，真係一次過食晒早午茶餐都得呀。於散叫的餐牌中，發現了紫薯專頁，十分吸引。結果，我們二人點了一套午餐，一個tea set和一份甜品。 午餐 燒紐西蘭T骨扒配意粉 $69 午餐是日餐湯係薯仔忌廉湯 ，熱度非常足夠，好似有啲菜嘅元素，鹹鹹地好creamy 。 主菜牛扒都幾大塊，意粉係扁意粉嚟嘅，仲有啲沙律菜伴碟。附隨的醬汁是暖的，喜歡。沙律菜已附有少量醋汁調味。將扁意粉醮附隨的醬汁再連同牛扒一同進食會較好食。 午餐加配奧斯脆辣雞翼(5只) $39 雞翼超脆，熱辣辣，雞肉仲要好嫩滑又juicy，超好食。值得encore! 午餐轉享特飲 熱玫瑰咖啡 Rose Latte $19 Rose Latte 好少餐廳有，所以吸引咗我哋叫。玫瑰味好香，奶味亦很濃，乎合Latte 的預期。 Ocio Tea Set $138 好睇又好食。唔洗去酒店都食到經典英式下午茶，價錢仲要平一大截。第一層有兩顆馬卡龍、兩粒士多啤梨和一件千層酥。第二層有兩件蛋糕、兩塊窩夫、一個雲呢拿雪糕球、一個朱古力雪糕球和一樽蜜糖。第三層有沙律菜、炸薯條、煙三文魚斑尼迪和兩件焗酥餅。薯條仲要係我鍾意嘅粗薯條，夠脆又夠熱，有啲鹽均勻地附於薯條表面，更好食。三層碟很精緻，啱晒喜歡和食物合照的人士。 鑊仔紫薯梳乎里 $59 最後出場係甜品鑊仔紫薯梳乎里，估唔到直徑有手板咁長，性價比直升。上桌時鑊仔還是燙手的，應該係剛剛新鮮出爐。 梳乎里很軟滑，以為只有梳乎里上的一顆紫薯蓉，原來內有乾坤，梳乎里内還有多顆原粒熱辣辣的香甜紫薯。第一次見咁大個梳乎里，非常值得嘗試的甜品。 興幸選對了餐廳，與內外兼備的食物，飽飽的渡過了我們的紀念日下午時光，愉快的一餐。 Ocio 網址: https://s.openrice.com/QrbS0U9G700 地址: 大圍 積存街74-76號地下A舖 電話: 2385 0028
