假日入元朗郊遊，順便搵食。想食日本嘢，見到呢間店的選擇很多，便試試。 一行二人，叫咗兩款麵食、三個小食和兩杯飲品。 汁燒極上和牛稻庭烏冬 血池地獄湯底 $85 和牛牛味香濃。配菜有原隻流心蛋、葱、木耳、粟米。烏冬滑嘟嘟。湯底第一啖唔係好辣，食多幾啖有少少香辣味溢出，令人回味的辣度，忍不住飲咗好多湯。 自家制豬軟骨拉麵 番茄湯底 $69 豬軟骨好軟滑鬆化。配菜有原隻流心蛋、筍、紫菜、洋葱、木耳、粟米。茄湯好濃，好似有好多蕃茄喺湯入面。 流心蛋有四重質感，蛋的外層蛋白剛好的熟、滑滑的，蛋白內層水嫩的，蛋黃的外層剛好的凝固，蛋黃內層仍是流心的，烹調時間拿捏得很好，出色！ 燒羊架 $42 熱辣辣，上枱時仲出緊煙，肉質鬆軟。 燒鯖魚 $45 魚肉嫩滑。加少少檸檬汁，鮮味更突出。 亦可醮附有的酸酸甜甜的醬油汁食，味道亦很夾。 蒜蓉燒扇貝$52 可選辣或不辣。筆者嗜辣，所以揀咗辣味。牛油味好濃郁，帶子肉亦好滑，有大量蒜蓉覆蓋着。因為揀咗辣味，所以伴有鮮辣椒。四個味道一齊放入口，正！ Hoegaarden RADLER 西柚橙味 $46 少少酒味中散出淡淡西柚香味。好特別又好味。一試愛上❤️ MAC'S GREAT WHITE $50 啤酒夠凍，酒味香純，易入口。爽！ 店家好細心，主動問我哋要唔要細碗。可以分享食，讚！ 野川拉麵 網址: https://s.openrice.com/QrbS01CS100 地址: 元朗 裕榮徑4號地舖 電話: 3488 5527
