上星期趁大力仔學校有假期，專程帶佢去位於銅鑼灣嘅富山麵家食拉麵！🍜。。因為佢地今期嘅新主題係玉桂狗嘅期間限定店呀！❤️為慶祝玉桂狗20週年，由即日起至12月底都會有《富山麵家 X Cinnamoroll 20週年祭 》，就帶我家嘅玉桂狗小粉絲去朝聖兼打卡啦！😍👍🏻因為拉麵店以藍色為主調，我地兩母子都專登著左藍色衫去朝聖！💙。。店舖嘅四周都係玉桂狗嘅可愛樣，吸睛度 + 可愛度同樣爆燈！🤩主食我地揀左以下2款拉麵：🍜 Cinnamoroll 特製牛奶拉麵係我最鍾意嘅粗身拉麵，口感煙靭，味道唔錯！牛乳湯底細滑，如果牛乳味可以再突出d就更佳！配料有沖繩豬軟骨、日式叉燒、新鮮魚片、溏心蛋，仲有一塊玉桂狗魚片，好得意呀！豬軟骨同埋日式叉燒肉質軟稔，豬軟骨好入味、叉燒亦肥瘦適中！溏心蛋同魚片都好味！😋🍜 Cinnamoroll 特製沾麵（可選鮮牛乳湯/魚介醬油湯/胡麻醬）大力仔揀左佢好鍾意嘅胡麻醬，沾麵馬上變左拌麵！哈哈！🤣拉麵麵底、主要配料都同牛奶拉麵相同；最特別係原隻印有玉桂狗樣子嘅溏心蛋，加上2塊耳朵形狀嘅新鮮魚片放喺兩側，砌成玉桂狗嘅樣，大力仔覺得隻蛋好可愛！😍另外拌有蟹柳絲、青瓜絲、粟米等等，麵底同醬料撈勻之後口感豐富，絕對係小朋友最愛！👍🏻仲有大力仔特別推介嘅小食：玉子章魚燒 🐙章魚燒即叫即製，外脆內軟熱辣辣，加上沙律醬、紫菜碎、木魚碎，香口又好味！每碟有5粒，大力仔獨食左4粒，我淺嚐1粒咋！🤷🏻♀️🤣拌碟有玉桂狗造型嘅玉子🥚、白雲造型☁️嘅白蘿蔔，仲插住一支玉桂狗旗仔🚩，相當可愛！另外仲點左肉汁滿滿餃子🥟，相對比較普通，係一般拉麵店嘅日式煎餃子味道，不過餃子配合拉麵一齊食真係無得輸！😉飲品方面，期間限定嘅特飲有2款，當然要試晒佢啦！分別係特製橙味梳打 & 特製波子汽水！🥤兩款特飲都舖滿忌廉+珠光面嘅七彩碎糖，好夢幻呀！🌈。。仲有一粒印有玉桂狗圖案嘅草莓夾心棉花糖做裝飾，而且啖啖都飲到相配口味嘅啫喱，口感豐富又解渴！👍🏻大力仔偏愛橙味梳打，香橙味濃郁、顏色好靚！我就鍾意波子汽水梳打，同波子汽水嘅味道係一樣架！🙂（大力仔問我咩係波子汽水😂）非吃貨大力仔一向話自己唔鍾意食拉麵，但朝聖完畢佢就話覺得呢餐食得好開心，因為玉桂狗好可愛，食物又岩佢口味喎！🙃。。各位玉桂狗粉絲記得要把握時機去富山麵家朝聖啦！🤳🎊富山麵家 X Cinnamoroll 20週年祭🎊活動日期：即日起至2022年12月31 日地址：香港銅鑼灣希雲街7號地下https://www.facebook.com/ramenirohahongkong/https://instagram.com/ramenirohahk#ramenirohahk #富山麵家 #期間限定店 #富山麵家X玉桂狗20週年祭 #cinnamoroll20th #cinnamoroll #SanrioHK #銅鑼灣美食 #食評 #foodie #相機食先 #helenxjacoxjodie 點擊圖片放大 +4
