好多朋友都問我其實仲有冇整花,係有嘅!只係因為工作實在太忙,所以真係好無心機執相寫caption~但整花係我熱愛嘅事情,我係唔會放棄嘅~感激之前嘅新娘子朋友,同埋一啲媒體嘅推介,一直都收到好多人嘅查詢~所以,我又再的起心肝嚟更新一下~ 近來真係多咗朋友查詢拖尾花球~可能因為圓形花球已經好悶,但係歐式散形又唔係個個花藝師整得靚~相反,拖尾花球classic得嚟又比較特別~而且拖尾仲可以分好多不同形態,配合唔同新娘子需要~ 💐咩人比較適合拖尾花球?因為拖尾花球比較長,所以高嘅朋友絕對適合!但如果你唔算高,又唔太算著好高嘅高踭鞋,都可以同我傾傾~將個尾變得比較輕,咁視覺上唔會令人顯得矮~ 💐咩婚紗比較襯拖尾花球?魚尾婚紗係最襯拖尾花球嘅,因為真係好elegant~如果魚尾婚紗係比較少details嘅效果就會更好~但當然,你睇下戴安娜皇妃佢嘅婚紗咁厚重,而個拖尾亦都咁長都一樣夾得到~其實拖尾花球同好多婚紗款式都夾的~ 結婚一生人一次,花球係當日最好嘅襯托~所以有咩同花藝師多溝通,影出嚟嘅相就更靚啦~ 而我哋嘅新娘花球仲會送兩個新郎襟花~因為好多婚禮程序都係由早到晚,所以我哋會送兩個襟花,等新郎都全日靚靚~ 我哋仲有提供手花襟花,等新娘一條龍搞掂晒啲花~新娘子Theodora就跟我哋訂埋四大長老襟花~ 而四大長老襟花就以紅玫瑰最愛歡迎~因為搶眼得嚟又可以耐缺水~有興趣嘅朋友可以查詢下~ 海倫有多年花藝經驗,已考獲荷蘭花藝專材證書。亦曾到英國深造兩年,全職受聘於倫敦高級花店McQueens Flowers。如果想海倫為妳佈置婚禮場地或製作婚禮花品,可以電郵聯絡我 :)pansychangchl@hotmail.com或到海倫的花店(Misty Garden - 嵐花園)FB專頁:http://www.facebook.com/MistyGardenHKhttps://www.instagram.com/mistygardenhk
