雖然今年入秋，甚至差不多要踏入12月冬天季節，天氣也不算太冷，縱然如此，火鍋癮卻已經蠢蠢欲動，這晚索性去「米走雞」，嘆雞煲加火鍋，而且必定點其首創的芝士雞煲。 「米走雞」憑著芝士鷄煲打出名堂，已經開了幾間分店，今晚來到太子分店，商場搭lift 上樓，未到大門已興奮。店員帶我們進去靠窗的二人位置坐下。 我地點左半份之師鷄煲，打邊爐材料就嗌牛肉粒、牛肉片、羊肉、響鈴、生菜和唐生菜。 當期待已久的鷄煲上桌時，金黃色芝士開始滾燙而發出噗嚕噗嚕的聲響，我已忍不住興奮的心情，連呼正斗! 店員叮囑我們不要過度攪拌，以免芝士癡底。被濃厚芝士包圍著的雞肉，不但賣相誘人，雞肉肉質亦非常滑嫩，芝士鹹香令味道更豐腴。雖然只是半份，兩個人已經非常飽肚！ 趁煲裡依然大量芝士， 將響鈴略浸數秒，讓芝士攀附面，同時保持整體乾身，咬下去滿嘴都是芝士，響鈴酥脆，充滿芝士及油香味，邪惡指數爆表！ 食完雞肉，邊可讓店員往煲裏加湯，開始打邊爐。打邊爐不可以沒有牛肉，點擊圖片放大 今晚嗌嘅牛肉片和牛柳粒不差，牛脂香濃多汁。羊肉片切得幾薄，浸幾下便熟，又點騷味，但肉質幾嫩。 食到差不多，就開始食菜，青菜索盡湯底精華，特別正嘅！
