勁耐無食雞煲啦!! 今晚約左好友齊齊去食雞:P 餐廳位於大角咀， 地方闊落好寬敞， 枱同枱之間唔會迫， 好少見雞煲店咁整潔乾淨， 地下唔會痴笠笠，讚～ 一個價錢，唔限時， 真正任飲任食任坐，好抵！ 雞煲有4款可選， 招牌川味雞煲、 養生正氣雞煲、 秘製椰香雞煲、 芝士雞煲。 第一次黎揀左招牌川味雞煲， 辣度、花椒、芫茜、洋蔥、 大蔥、薑片全部都可以選擇份量。 即叫即煮，等10分鐘就熱辣辣上枱。 原隻新鮮芝麻雞肉質嫩滑多汁有嚼勁， 加入大量配料同秘製醬汁真係勁惹味！ 我唔太食得辣，揀左微辣岩岩好～ 食完雞煲可選擇免費追加雞煲 或者加湯轉打邊爐～ 湯底可選豬骨濃湯或蕃茄湯底。 加完湯底後送上火鍋拼盤， 份量按人數計，好多高級食材！ 推薦以下火鍋配料： 西班牙黑毛豬梅肉肉質軟嫩多汁、 安格斯雪花肥牛油花均勻好鮮嫩、 韓國珍寶蟹棒味道鮮甜、 鬼馬扎肉片爽口彈牙、 炸魚皮鬆脆可口夠厚實、 丸類彈牙鮮味唔會成口粉。 點擊圖片放大 另亦設點餐紙，有大量肉類、瓜菜類等等。 尚有其他新鮮蔬菜可於雪櫃自取～ 飲品方面有汽水/紙包茶等等， 每位加HK$30仲可以任飲啤酒! 另一位置有自家天然菊花水同幾款茶包~ 點擊圖片放大 醬汁同樣自助， 有齊蔥花、芫茜、辣椒、蒜蓉、芝麻醬。 最後仲有2款啫喱任食， 甜度剛好，加埋花奶仲正! 唔限時任飲任食， 而且坐得舒服又有電視睇， 岩埋同朋友聚餐一路食一路傾，正！！ 歡迎找我試用，出席活動 Email: heimenmak@gmail.com www.facebook.com/heimenbeauty https://www.instagram.com/heimennnnnnnn/ http://heimenblog.blogspot.com/ https://www.beautyexchange.com.hk/blog/heimen https://blog.ulifestyle.com.hk/blogger/heimen/ https://blog.she.com/heimen/ https://girlssss.com/author/heimen/ http://blog.qooza.hk/HeimenMak http://heimen.pixnet.net/blog https://heimen612.wordpress.com/ https://wow.esdlife.com/space.php?uid=55118 https://girlab.hk/author/heimen/ http://www.weshare.hk/heimen http://www.beautylife.hk/home.php?mod=space&uid=103113 http://heimen.theztyle.com/
