好耐無食放題啦~ 今晚約埋好友一齊去放縱下:D 揀左想試好耐既滿屋日本料理 點餐紙有成十幾張， 包括刺身、壽司、手卷、軍艦、 串燒、日式料理、特色小食、 天婦羅、炸物、飲品、特飲等等， 真係超多選擇，勁多款式！ 自助飲品區有齊汽水、啤酒、果汁等。 仲有爆谷機、熱飲櫃、 同埋少見既清酒同梅酒。 出面仲有沙律、水果、炸物同甜品任取。 連冷盤都有，供應蝦、青口等， 放題黎講真係好少有～ 放題必點之一既刺身好新鮮， 甜蝦質軟味甜、油甘魚細緻滑嫩、 北海道帶子濃郁鮮甜、北寄貝口感細膩， 以上幾款都encore左好幾次！ 估唔到滿屋既壽司有特色又出色， 黑松露吞拿魚醬油漬壽司肥美甘甜， 香蔥玉子壽司葱香突出， 蟹膏皇帝蟹腳壽司蟹膏香濃、 皇帝蟹腳肉質結實鮮甜～ 海膽手卷賣相新鮮，味道鮮甜帶甘香。 花之戀新鮮甜美，入口即化。 意大利黑醋雙重芝士鰻魚卷 芝士入口即融，鰻魚肉質彈牙， 整體口感層次豐富～ 燒有機日本番薯仔 一口一粒，味道香甜； 沙嗲雞串帶點鹹香又惹味； 燒有機菠蘿甘香多汁，份外鮮甜； 鹽燒雞軟骨香氣滿溢，爽脆惹味！ 黑松露汁蘑菇忌廉芝士釀雞翼 芝士味道濃郁，黑松露汁提升味道層次； 芝麻雞翼金黃酥脆，啖啖肉好正~ 兩者都係新鮮炸起熱辣辣勁吸引！ 椰冰楊枝甘露酸甜開胃， 忌廉芝士朱古力窩夫外脆內軟， 啖啖濃郁滋味，好邪惡啊！ 而且每位客人奉送一客雪糕杯， 揀左Häagen-Dazs同Movenpick各一杯。 多款自家製甜品細細兜， 可以試多幾款唔同口味～ 仲有個雪糕自助櫃， 有幾款糯米糍同雪條。 超滿足啊！！期待下次再黎！！ www.facebook.com/heimenbeauty https://www.instagram.com/heimennnnnnnn/ http://heimenblog.blogspot.com/ https://www.beautyexchange.com.hk/blog/heimen https://blog.ulifestyle.com.hk/blogger/heimen/ https://blog.she.com/heimen/ https://girlssss.com/author/heimen/ http://blog.qooza.hk/HeimenMak http://heimen.pixnet.net/blog https://heimen612.wordpress.com/ https://wow.esdlife.com/space.php?uid=55118 https://girlab.hk/author/heimen/ http://www.weshare.hk/heimen http://www.beautylife.hk/home.php?mod=space&uid=103113 http://heimen.theztyle.com/
