好耐冇食過放題啦，咁岩朋友生日想食放題， 見到呢間極上帝王水產有齊日式、泰式同西式放題，一於試下！ 七點左右到，都差不多全場滿座， 職員好快就安排左卡位比我地。 卡位係梳化坐得幾舒服而且好闊落。 店舖裝潢充滿日本居酒屋特色~ 食放題第一件事梗係要拎哂啲點菜紙出黎， 但發現拎極都仲有， 一數之下原來有成十幾張， 日、泰、西菜式多達200款可以揀， 真係超多選擇啊！ 放題必點既刺身同壽司，質素都非常出色，款式多，而且好新鮮！ 刺身包括挪威厚切三文魚、迷你北寄貝刺身、手切象拔蚌刺身、 手切八爪魚刺身、極上虎蝦刺身、榮螺片刺身、大赤貝刺身、 北海道帶子刺身、珍寶赤蝦刺身、日本有頭甜蝦刺身、 鮑魚片刺身、希靈魚刺身、寶幸玉子刺身、松葉蟹棒刺身。 我地每樣都有點，試齊哂咁多款刺身，勁滿足！！尤其厚切三文魚鮮甜肥美！ 訂座仲送北海道海膽刺身同埋生蠔，生蠔嫩滑鮮甜，正！ 而壽司賣相精緻，魚生鮮味，入口好新鮮！ 點擊圖片放大 泰式香茅雞中翼皮脆肉香 黃金燒日本廣島蠔酥脆肥美 日本蒲燒鰻魚醬汁juicy 鹽燒活海蝦肉質彈牙 汁燒雞肉串肉質嫩滑非常惹味 焦糖燒菠蘿香甜多汁！ 日本芝麻雞翼香脆肉嫩，超級香口！ 日本紫薯餅炸得非常鬆脆，而且內含原粒甘栗，味道香甜！ 日本芝士年糕口感煙韌，芝士味十分濃郁，芝士迷一定唔可以錯過！ 朱古力心太軟細細件易入口，甜度適中，朱古力味濃郁。 帝王溫泉蛋沙律，流心温泉蛋十分滑溜，爽脆沙律菜拌芝麻醬，感覺清新。 芝麻海蜇口感爽脆 芝士和牛手打漢堡扒肉汁豐富，咬開有流心香滑芝士，香濃又惹味！ 西式白汁藍青口好鮮甜，白汁仲好creamy。 雪場松葉蟹火鍋蟹肉鮮甜，仲有我最愛既海帶同大量蔬菜。 卡邦尼煙肉意粉夠哂Creamy，忌廉味香濃，口感煙韌，十分惹味！ 飲品櫃有多達二十幾種可以選擇，汽水、紙包飲品、啤酒都有，而且仲有幾款甜品，正！ 點擊圖片放大 雪糕櫃於門口位置，有大量雪米糍、榴槤雪條等等，又係有好多選擇！ 二百零蚊左右有咁多選擇，而且刺身、壽司、熱食同樣出色，實在值得一試！ www.facebook.com/heimenbeauty http://heimen.theztyle.com http://www.beautyexchange.com.hk/blog/heimen http://blog.ulifestyle.com.hk/blogger/heimen/ http://blog.she.com/heimen/ http://www.shewin.com.hk/blog.php?id=40 http://blogs.elle.com.hk/heimen/ http://blog.qooza.hk/HeimenMak http://www./?103113 heimenblog.blogspot.com http://heimen.pixnet.net/blog https://wow.esdlife.com/space.php?uid=55118&do=blog http://heimen612.mysinablog.com/ http://www.saladblog.com.hk/blog/heimen http://girlab.hk/author/heimen/ http://www.beautenation.com/wordpress/wp-admin/ http://blog.sina.com.cn/u/2857290984 http://www.weshare.hk/heimen http://beauty.qooza.hk/u/HeimenMak/
