喺大阪有好多火山飯店,我就去咗位於新福島嘅呢一間!座位大約有十幾個,黎得嘅人大多數都係叫火山飯,可以選擇唔同份量,有大中細揀!老細話每日有限定嘅A5和牛,食唔食到就睇你好唔好彩喇!而普通嘅火山飯係用紐西蘭牛!我就食咗個普通嘅火山飯,一個set有埋湯同沙律!餐湯好有住家風味,有蘿蔔嘅清甜,少少胡椒嘅香味!沙律配搭上通心粉, 感覺新鮮! 重點介紹火山飯嘅醬汁!食落有洋蔥嘅甜味,有少少薯仔嘅Creamy!呢個味道係我從來未食過嘅,但真係好好食!紐西蘭牛肉質軟嫩,味道濃郁!咁高質素兌返港幣都唔駛$120!唔食你就後悔喇!提提大家,雖然已經 提供左營業時間,但去之前最好打個電話問問!老闆話有機會賣完就收工,以免白行一趟! 點擊圖片放大 +7 地址:大阪府大阪市福島区福島4-5-56 電話:06-6441-0993 營業時間 11:30~15:00,18:00〜22:00