蛋包飯係日本一街都係,到底點先揀到間好食嘅呢?呢間浪花蛋包飯係排行全國嘅頭四名!位於心齋橋一風堂隔離,午飯時間去排隊大約排咗20分鐘!入面座位大約有十個,我同朋友分別叫咗漢堡扒蛋包飯,浪花蛋包飯!老闆重即場手搓漢堡扒!雖然店仔細細,老闆一腳踢做曬所有工序,但又唔係等好耐就有得食!呢度唔同款嘅蛋包飯個蛋都係唔同嘅!我叫嘅漢堡扒蛋包飯,蛋嘅質地滑溜,類近炒滑蛋嘅質感 !蛋味濃郁,漢堡扒超級嫩滑!食落一啲都唔似漢堡扒,好似肉餅咁好Juicy!咖哩屬於甘口,唔甜,咖哩味濃郁! 配搭內層炒飯,酸酸甜甜感覺好Match!而朋友叫既浪花蛋包飯,係有牛筋牛腩嘅,我以為我個蛋已經叫做好好食啦!點知一山還有一山高!浪花蛋係更加Creamy! 整舊牛筋牛腩都軟淋淋,吸收哂醬汁嘅味道,入口即溶!再加上有芝士嘅配搭,除咗邪惡,滿足,幸福之外!我諗唔到點形容喇! 仲有提提你!只要影低食物相片,放上社交平台,就可以減¥100喇! 身為港豬嘅我就叫咗攝影師一齊Post相上社交平台,所以就減咗¥200! 點擊圖片放大 +7 地址: 大阪府大阪市中央區南船場 3-11-27 營業時間: 10:00~16:00,17:00〜22:00