生日食好西!屋企人請食飯,當然食好D、食「蠔」D! 呢間Oyster Bar估唔到做緊生蠔優惠!! 就係$10一隻生蠔,仲要係任叫,無數量限制!唔好以為$10隻就會比D cheap貨你食! 侍應哥哥話今次做優惠嘅生蠔係黎自法國, 於是我地先叫一打,一黎到,隻隻生蠔都幾大隻同幾有肉地, 食落好Creamy,又好有海水味!肉質幾肥厚,你睇下... 唔夠喉於是再encore!!! 因為太鮮美,所以唔洗點茄汁都Okay!! 除左主打生蠔之外,呢度仲有好多唔同種類嘅食物可以選擇!! 我地叫左炭燒加拿大頂級AAA西冷(10安士) (HK$388) 上枱已經聞到好香炭燒牛扒味呀! 5-6成熟,岩岩好!入口好嫰滑!又有肉汁! 點擊圖片放大 炭燒西班牙極黑豬(HK$318),黑豬點小小海鹽同梨醬食,惹味得黎又清新! 鍾意食大蘑菇嘅你,一定要叫荷蘭大菇配黑松露野菌意大利飯(HK$168), 大蘑菇好Juicy!!黑松露同芝士好夾好香...D飯軟硬剛剛好!! 如果怕食扒食到飽飽地,可以叫個水牛芝士伴蕃茄沙律(HK$108), 緩和一下,D蕃茄真係好Fresh! 炸薯角(HK$68),炸得好香脆,會食唔停口。 超級海鮮Pizza (HK$168),海鮮配料好足料,又好夠芝士味!! 想食嘅朋友,記住預早幾日book枱,因為真係幾Full,walk in幾乎係無可能!!! 【店舖資料】 Oyster Station Snack and Oyster Bar 地址:大角咀詩歌舞街83號亮賢居地下1號舖 星期一至日 12nn-12am 電話:2457 1233 另外仲有土瓜灣、樂富、將軍澳分店。 +++++++++++++++++++++++++++++++++ 以上內容純屬個人意見。 Blog: https://blog.ulifestyle.com.hk/blogger/heiheiworkshop/ Facebook: https://www.facebook.com/HEIHEI.WORKSHOP/ IG: heihei_love_foodContact: workshopheihei@gmail 土瓜灣分店