其實..."面膜粉"同"情人節"係無直接關係o既... 不過...響預備情人節DIY晚餐之前...敷個靚面膜...皮膚靚d~自然心情都靚d!!~~ #1 今次用o既係Ling Lee無添加石榴籽面膜粉...以鋁袋作密實袋包裝設計... LingLee係無添加品牌...用起上黎都好放心啦!~~ 主要成份: 多酚類~維他命C~石榴酸~油酸等. 有效預防黑眼圈及皺紋~增加皮膚光澤~收緊皮膚...係咪真係咁好?...試下話你知~ #2 每包Ling Lee無添加石榴籽面膜粉有30 g~裡面一共有6小包~ 我比較慳家~一次只係用左半包...即係話可以用到12次啦! :) #3 (上圖) 倒出半包份量o既面膜粉...已經有好多啦... (下圖) 加少少水~~就做成左呢個"花生糊"狀o既mask啦!!~ **不過講真...呢隻顏色呢隻形態...真係唔係人人都咁buy!! >.< #4 我呢d懶人...人生中其實都幾怕用面膜粉... 即使知道好多面膜粉o既效果都好好...但係~真係攪到我一頭煙... (圖左) 敷上面o既效果... **可能我加水太少...又可能我掛住要影相整得太慢...面膜粉已經開始乾lu!! >.< (圖右) 敷左30分鐘...洗面... 嘩...效果又真係比我想像中好喎...膚色通透左...有少少白裡透紅o既感覺~ :) **水油測試機數據分析: Before: 30.2, 15.5 After: 45.3, 22.6 估唔到水份大大提升左咁多...膚色又靚左...通透左...睇落都精神左呢! :) 下次真係唔可以懶...要繼續敷埋其餘幾包Ling Lee無添加石榴籽面膜粉先得啦!!!~ **價錢: $100 / 30g(6小包)...都幾經濟實惠架!!~ **Website: http://www.linglee.com.hk ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ #5 敷完面膜之後...係時候DIY我o既情人節晚餐啦!!~ 自從小喬出世之後...我有keep住煮飯~不過好少煮得咁認真啦! >.< 頭盤: 蟹子薯仔沙律 主菜: 芝士意大利雲吞 配 新鮮蕃茄酸辣醬 白汁煙三文魚貝殼粉 白灼西蘭花 #6 今年唔再係二人世界o既情人節...當然~要預埋我o既寶貝小喬一份啦!~ (上圖) 買左一個迷你旋轉木馬音樂盒俾小喬...佢聽到有音樂~又見到木馬旋轉~好專注咁欣賞緊呢!!! (下圖) 買左盒"懶人專用"朱古力餅乾條...只需要加d字 & 糖粒上去...就可以有咁靚o既效果啦! 你睇~小喬見到...都興奮到伸晒脷~想用手去拎呢! :) **今晚雖然老公都有送左少少禮物俾我...不過都唔夠小喬送o既禮物咁surprise~~ 臨訓前先發現~小喬出牙仔啦... 好興奮丫~~好想影低佢~不過好難影丫!!...下次有機會post俾大家睇丫!!~ 希望大家都過左個甜蜜愉快o既情人節啦! :)
