唔知大家知唔知~我係freelance o既化妝師... 由做model俾人化妝時偷師 --> 自學 --> 去台灣學set頭 --> 去日本考化妝牌... 一邊學一邊做...唔經唔覺~咁就4年lu~ 一直以黎~我最自豪o既就係: 我幫客人痴眼睫毛o既技術... 要款式o岩客人心水~貼到輕如無物~仲要long lasting唔好甩...咁先有畫龍點晴o既效果~ 今次有機會試用All Belle愛比堤o既眼睫毛...又會唔會做到畫龍點晴之效呢?~ #1 All Belle愛比堤假睫毛~一共八款... 由台灣藝人丁小芹做代言人~用大頭貼做造型示範~~包裝精美...超讚!!~ #2 今次試用o既係呢兩款: 紅色囍事(#A2123) + 黑色迷人(#A3122) #3 先睇睇紅色囍事~打開盒子~有丁小芹o既全身造型照~同埋愛比堤o既認證介紹~ #4 (上圖) 盒背o既圖文介紹~教大家點樣拎假睫毛出黎~唔會整到d睫毛東歪西倒~ (下圖) 第一次見假睫毛會寫埋製造日期...11年9月~都幾"新鮮"丫~ :p #5 再睇睇黑色迷人o既盒子...全身黑色~配桃紅色絲襪o既造型~~我buy丫~ :) #6 跟住再睇睇紅黑兩盒假睫毛o既款式... (左圖) 紅色囍事(#A2123)~長短混合o既款式~睫毛比較長~濃密度適中...比較適合日常使用~ (右圖) 黑色迷人(#A3122)~都係長短混合o既款式~睫毛長度一般~比較濃密~適合比較濃o既妝容~ #7 開始試上眼之前~簡單介紹下今日用o既眼部化妝品先~包括: ．Make Up For Ever Smoky Palette ．Nars #Mangrove ．Estee Lauder Eye Shadow Base ．Kate絕版五色眼影 (不過我跌碎左一格 >___<") ．Palgantong Gel Liner #8 先黎化個比較特別o既日妝...希望大家會鍾意啦~~ ．先用Estee Lauder Eye Shadow Base打底...令眼影貼d~顯色度高d~ ．新鮮嘗試~主色係買左好耐都只係第一次用o既Nars #Mangrove...只要眼尾眼窩加返d層次~就唔怕會眼腫~ ．眼窩位係Make Up For Ever Smoky Palette~右二 + 右三兩隻啡色o既混合~ ．眼尾加左少少Make Up For Ever Smoky Palette 左一o既黑色~將對眼拉長d~同埋做返d立體感~ ．眼頭加左Kate o既金色~再畫埋眼線~~攪掂~~ #9 畫完龍~係時候要點晴啦! :) (1) 先夾一夾自己o既眼睫毛...弧度唔洗夾到好靚~但一定要"向上翹"~ (2) 拎出愛比堤假睫毛~~只係兩側有膠水位...拎出黎之後~剪左膠水位就用得~ (3) 隨盒附送細細支睫毛膠水~好方便... (4) 塗上膠水~再幫對睫毛做下massage~柔軟d~痴上眼都貼d~~ #10 黃色日妝~配以愛比堤紅色囍事(#A2123)~係咪精靈好多呢? ．貼左假睫毛之後~記住幫下睫毛搽mascara~咁樣睇落就會自然好多~~ ．我習慣會將假睫毛夾一夾~兩邊o既弧度會balance d~同埋會翹得靚d~ ．側面睇...眼睫毛雖然有少少長~不過濃密度適中...尚算自然啦~ :) ．雖然愛比堤睫毛都幾柔軟...不過用附送o既膠水時~總係貼得唔係好實... 結果我都係用返自己用開o既膠水~貼得實dd~~ #11 日間化左日妝返工...夜晚要轉個晚妝去party... 最快手o既方法~就係棉花棒 + 卸妝水 (唔用卸妝油~因為好多卸妝水都唔洗過水~夠方便~) #12 做法其實類似日妝~ 不過主色用左Make Up For Ever Smoky Palette o既綠色...但係用用下...好似灰色呢!!~ 眼頭轉左用Kate o既銀白色...再加左少少閃粉~~即刻野性左~~呵呵呵!! #13 最後~貼返愛比堤o既黑色迷人(#A3122)~ 其實有少少失望...因為完全唔係包裝上面~丁小芹用緊o個款睫毛... @.@""" 不過效果都係好濃密好靚...襯晚妝一流~~ **售價: $48 一對 / $188 十對 **售賣點: ENID台灣美妝專門店 **Website: www.enid.com.hk **Facebook: http://www.facebook.com/enidhk ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 最後~又係可愛小喬出場o既時候啦... 六個月大啦...日日都乖乖學坐...基本上~如果佢認真坐的話~可以坐到半分鐘架啦!! 呢個波點look~係咪好老積呢?~~呵呵呵~~ :) [imgid=13]
