3月20日~就係舊曆o既"春分"... 即係話~仲有大約一個月~就到春天啦... 究竟今個春天流行化d乜野彩妝?...今日我就率先體驗左啦! #1 今日參加左"U Beauty X RMK春日彩妝研習坊"~~ **model白裡透紅o既胭脂...好靚呢!!~ #2 俾大家睇睇RMK新一季主打化妝品先... A: RMK Sprinkling Eyes 共3色/ $420 B: RMK Sprinkling Cheeks 共3色/ $370 C: RMK Irresistible Lips C 共4色/ $260 D: RMK Nail Color EX 共4色/ $120 #3 活動開始啦~~由Chris擔任MC + 日文翻譯~ 另外仲請到RMK 日籍化妝大師 AT Kukimoto~即場為大家示範春妝~ #4 逐個step睇下春妝示範啦~(由於我坐後排~定焦相機無得zoom~所以影得唔太清~見諒!) 1) 預先用RMK皇牌Makeup Base + Foundation為model打底 2) 開始眼影示範部份~用左#02 Green~ 3) 綠色部份係creamy底色 + 三色眼影粉~四隻色都係閃~好靚!! 4) 隨盒附送o既雙頭化妝掃~一邊寫住"Base"~為整個眼瞼掃上綠色creamy底色~ 5) 再用中間o既藍色眼影粉cover上去...眼影即刻通透左~閃閃地~藍藍地~好fresh~ 6) 最後用金色加響眼頭位置~打造立體感~ #5 眼影部份完成...跟住... 1) 雙頭mascara: 先用mascara那邊固定捲曲度 --> 用纖維base增長 --> 再用mascara那邊增加濃密度~ 2) 畫眉: AT Kukimoto認為亞洲女性畫眉時框得太實~會好惡...所以輕輕力掃上去就夠啦!!~ 3) 眉gel: 加眉gel減淡眉色~~focus即刻落返去靚靚眼仔啦!~ 4) 用眼線筆輕輕畫少少下內眼線~眼仔輪廓出晒黎~~靚晒!! #6 示範完畢~到我地自己動手啦... 1) 由於我化左妝先黎...所以RMK o既靚姐姐好細心咁我卸走d眼影... 2) 仲用粉底液幫我減淡胭脂... 3) 最後再補返呢盒RMK Pressed Powder N...有光影~又有壓縮蜜粉...個盒仲設計得超靚呢!!~ #7 開始上眼影...我揀左#03 Gray 1) 先用印有"Base"o個邊o既掃~掃上閃閃o既灰色creamy底色~ 2) 掃上整個眼瞼...呢個掃掃好好用~好易就blend開左... 3) 再用三色眼影粉cover響底色上面...變左閃閃地~又好有立體感o既紫色眼影... 4) 淡淡o既紫色眼影~非常有光澤~o岩晒春天襯衫...而且用法簡單~化妝新手都識用! :) #8 跟住~就要"畫龍點睛"啦!!~ 1) 先夾眼睫毛...我平時多數貼假睫毛...因為我d眼睫毛好幼~夾完好快直返...慘! 2) 用雙頭睫毛液o既mascara固定捲曲度 --> 用纖維base增長 --> 再用mascara那邊增加濃密度~ 3) 加左纖維~都仍然非常輕身o既睫毛液...woo~我d眼睫毛好長丫!! 4) 竟然有咁捲曲~咁長~咁靚o既效果...感動中!!!!!! #9 跟住又係示範o既時候啦~ 1) 到胭脂部份~今次用左#01 Pink~ 2) 先掃上胭脂左邊o個格~係creamy底色...**不過真係好閃~AT Kukimoto建議大家唔用搽過量!~ 3) 再掃上胭脂右邊o個格o既珠澤粉粒~因為顏色唔誇張~AT Kukimoto建議大家搽o既範圍可以大d~ 4) 你睇~model搽完之後~白裡透紅~好靚好可愛丫!~ 5) 再搽唇膏#01 Natural Beige Pink~係感應溫度能溶化o既creamy質地~好特別!!~ 6) 完成~靚晒~~多謝model望我鏡頭! :) #10 跟住又到我地動手啦!! 1) 先揀胭脂...放棄左我平時搽開o既橙色~揀左比較成熟o既#03 Brown~ 2) 先上creamy底色~再上胭脂色...好自然o既效果~~喜歡!~ 3) 揀左唇膏#EX04 Beige~襯返我個自然胭脂... 4) 好有光澤~質地好舒服呢!! #11 最後~試埋四色指甲油先... 橫掂都係試...返到屋企都係要洗走d甲油(要照顧小喬BB嘛)...等我一於試晒四隻色先... #12 每隻色都有幻彩閃閃~好靚呢...而且超快乾... 1) 搽左一層甲油o既效果圖... 2) 搽左兩層甲油o既效果圖...d色出好多... 3) 自戀下先...嘩~睇唔到我著住冬天衫...個感覺超春夏呢!!~ :) #13 臨走之前~就梗係要同日藉化妝大師AT Kukimoto影返張合照啦... 我個樣...攪乜丫?好似fans搵偶像影相咁呢 :p #14 最後~show下今日o既紀念品先...RMK立體o既閃閃銀色包裝~真係堅靚呢!! **後記: 呢期太多人研究"究竟Blogger係咪打手"呢個topic~~所以寫返個"先讚後彈"先~ ．讚: 眼睫毛一直keep住捲曲~而且一d都無熊貓眼...卸妝尚算容易~卸妝後睫毛竟然仲keep住捲曲~好神奇丫!! ．讚: 眼影非常持久~凌晨時分先落妝...顏色無變灰之餘~d閃閃光澤仍然健在...勁!! ．彈: 不過胭脂部份唔算太持久...又可能我用得太少啦...一早已經無晒lu!!~ ．彈: 我係搽唇膏~什至潤唇膏都會"起白邊"(死皮)o既人...呢隻唇膏三四個鐘之後起左少少白邊~唔o岩我!! **RMK website: http://www.rmkrmk.com ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 最後...又係小喬出場o既時候啦... 話說尋日知道六個月o既小喬~開始出牙仔啦... 唔怪得日日都玩咀咀~流口水~ 唔知出牙仔係咪好辛苦呢...睇下呢個扁咀樣!!...錫返先~ >3<
